Foodie 生活雜誌

一早在酒店樓下的coffee shop 買早餐上車食，麵包好好味。我通常book酒店唔包早餐，喜歡去coffee shop 食，或者去到睇下食物質素再即塲比錢食，價錢同預先訂差不多。

酒店樓下的SAKURA Cafe

 好味道

開車往高千穗出發，先去高煱町睇全日本最大的向日葵花田，可惜時候未到，花仍未開，去到只有一片綠。之後途中去左一個聲稱有好味海膽飯的道農道之駅，去完之後可以話比大家知唔洗去，只為雖然係平，但海膽質素麻麻，我就唔接受。從宮崎沿海岸線往高千穗途中經過多個美麗的海浴場(即係沙灘)，大家若果係夏天來記住去游水。離 開海岸線轉入山中，沿途一片綠，來九州咁多日，見得最多係綠色，好舒服。

沿途藍天白雲，心曠神怡

高煱町向日葵花田

見到的唯一一朵向日葵

都農道之駅內人氣食店

 麻麻地的海膽飯

行下影下就到左高千穗，先往酒店check in，房間舒服到唔想出去。安頓後再出發去食流水麵及遊高千穗峽，遊客必到。我成日話日本的景色好普通又公整，要睇靚景就要去外國，點知來到高千穗峽同之後的天安河原令我有驚喜，景色好天然，食流水麵的過程亦好有趣。不過揸車去要停在指定停車場再行落去，記住帶蚊怕水。

進入山區，一片綠，梯田處處

過橋後就差不多到高千穗了

先泊車，好多人，泊滿哂

泊車後行大約15分鐘左右，沿途有樹蔭，唔太熱

 先食流水麵，餐廳就在高千穗入口，另外有幾間小店

店外水池，好多魚

過左食飯時間，人較少，全部客人都係港人，真熱門

 店員將麵放落竹內，從小格流出

好趕㗎，有人夾哂至得閒慢慢影，我就食哂了，麵好滑

夾唔切就流落筲箕

好公道，比番唒你

呢個有咩好玩，覺得若咁遠來到玩呢個就無意思了

高千穗峽可以扒艇，呢個係起點

峽中間有橋，似一個天然山洞

 沿住峽邊的步道，有一段封左，要往回折反

行回停車塲，好多蚊

小溪埋在山峽間

 橋，一新一舊，一高一低