Foodie 生活雜誌

之前8小時機程，3小時轉機，再經過6小時機程，17小時後，我終於到達目的地 - 丹麥。丹麥由三個大島組成，包括西蘭島、菲英島及日德蘭半島。今旅程三個島都有遊覽。先去坐落於日德蘭半島上，丹麥第二大城市 : Aarhus 。落機攞車後直駛Aarhus 。沿途大部份時間行高速，經過兩條大橋，午餐在沿途公路上的休息站草草解決，直至到達住宿至可以好好休息，晚餐在附近餐廳用餐，超過二十小時無法入睡，大家都攰了，早早休息。

飛機上的兒童餐用卡通餐盒裝住，小朋友好受落，沿途仲用來裝自己的「寶物」。今年係第三年旅行，小朋友又大一歲，自理能力明顯進步了，午夜落機轉機完全無扭計，非常合作，由於平時唔可以打機，所以少爺仔同聰明仔狂玩機上的電腦遊戲，簡單無聊到爆的遊戲都玩得津津有味，久逢甘露一樣。估唔到老闆仔無興趣打機，不過佢係標準MARVEL迷，仲話我知在機上煲左幾套Spiderman 。假期係用來放鬆的，所以由得佢地了，大人們亦樂得清閒。

清晨來到丹麥，迎接我地的係個大晴天，好的開始

中途休息站

內有小賣店賣零食

熟食店連餐廳，呢間賣香腸hotdog

我們的午餐，香腸好咸

可以在户外食，有免費洗手間，丹麥的洗手間無收費，幾好

條橋係咪好熟面口？

公路上的油站，油價當然會貴少少

丹麥的油價同香港差不多，DKK$1兌HK$1.22

餐廳露天雅座

喺住宿安頓後，唞一唞就外出揾食。晚餐在附近餐廳，一般西餐，只有丹麥文餐牌，但侍應好友善，落力為我地翻譯。Pasta， steak，burger ，多肉少菜，嚟緊咁多日都係咁上下菜色。喺食方面，成團人之中我同老闆仔係最麻煩，其餘三位大人同少爺仔食乜都得，聰明仔只要有burger就可以，老闆仔習慣食中餐，所以好多時候唔肯食，至於我就通常要揀餐廳，但若唔好食就食兩口填飽肚就算，好衰。

攰到爆都要睇兩頁書至瞓得著，因為今次每間屋都會住四晚，所以自携電子香氛機同無線喇叭，晚上點著香氛，播點音樂，一杯熱茶，睇下書，享受寧靜。