Foodie 生活雜誌

住宿在市郊，訂屋時網頁話係一個農莊，於是我心中建構的圖像係大屋附近有菜田，豬牛羊雞鴨四處走。點知去到一隻家禽都無見到，而且附近好多間屋，跟我所想的完全不同。實際上大屋在村莊內，係一個小社區，村內真係有羊欄、豬棚，仲有蔬菜田，不過唔係喺附近，因為村莊佔地幾大。大屋距離Aahurs市中心約半小時車程，屋內設備齊全，屋主雖然未有現身，但經airbnb chat room回覆問題非常快。小村莊附近有小型超市，購買一般食材無問題，小村莊環境寧靜舒適，治安良好，好有渡假feel。

資料 :

airbnb Moderne tænkt i okologisk landsby

https://www.airbnb.com.hk/rooms/3665226?s=51

7個人住成間大屋，離開香港，誰還要住蝸居？一入屋，地下係客飯廳，廚房及衛浴。大廳濶大光猛，我相信屋主係住喺度，只係外出渡假，因為屋內處處睇到生活痕跡，好有家的感覺。

偏廳，屋太大，用唔著，我地用來放袋

閱讀小角落

成團人都喜歡睇書，尤其係小朋友，帶左大量書本來，搬餐死，建議佢父母下次買kindle

廚房好大，可以一路煮食，一路大家傾傾講講，好開心。

調味品、廚具齊全，屋主仲準備好啤酒做welcome drink ，好窩心。

地下衛浴有埋洗衣機同乾衣機，洗衣粉同晾衫用具齊備

大屋另一個門口

一入門就係雜物房，所有行李喼放哂喺度，唔使整到個廳立立亂，真好

屋外的吊床

在吊床上發白日夢

二樓睡房區

外接露台，可以睇哂成個村莊

休閒區有梳化床及電視，電視有得睇youtube，順理成章地成為小朋友的天地，三位小朋友仲要爭住瞓梳化床，三間房間圍住個廳，大人瞓房，小朋友就算自己瞓都覺得好有安全感，大家都瞓得安心又舒服。

房間一，所有房間都設有一張雙人床

房間二

房間三

二樓衛浴，空間大，三個小朋友一齊沖涼，慳時間，幾隻馬騮一路沖一路玩，希望佢地大個會記得呢個歡樂時光

村莊入口

停車場，行幾步就到大屋

村民眼中的小村莊

從窗外望出去，不同設計的房屋，各有個性，雖然屋與屋之間相隔不遠，但全村都好寧靜，居民好友善。

原來某些屋係對住小池塘，池塘內有鴨他在游水，優哉游哉

每間屋都各有特色，我早上散步時在屋外望，每間屋只係鞦韆的大小同安裝都各有不同，真開心

村莊佔地頗大，我地行一個圈，行下睇下都要兩個鐘。

村內種滿花果樹，同小朋友玩遊戲，要佢地揾幾款不同的果實或花朵影相，咁又可以玩一餐

村莊內有菜園，真係見到有居民來摘菜

粟米、蔥、羽衣甘藍，日常食用蔬菜。附近仲有養蜂園，鴨棚。

仲有羊仔，當地人好友善地話我地知羊欄所在地，仲話我地知可以行入去羊仔屋企，但我懷疑佢地真係會劏隻羊食？

豬棚，小朋友好少咁近距離睇小豬，一路話臭一路又好奇睇，其實一d都唔臭，小朋友真係要多點親近大自然。