Foodie 生活雜誌

1/2018 光顧

1/2018 光顧

食友推介，落力搞飯局仲book埋位，非常感謝。跟小菜王同一類型的小菜館，餐廳在九江街，無咁熱鬧，一條街有幾間鋪，其中一間做廚房，另外三間鋪位招呼食客，再有一間燒腊店，陣容鼎盛。餸菜碟頭大，小菜有鑊氣，味道唔錯。雖然無話限時，但差不多時候都會用借口叫你交枱，我當晚早去，差不多8點多就請我埋單，借口係 ： 出面有行動不便的婆婆在等位，我無深究，識做交枱就算，始終街坊生意，想做多轉係正常，無謂阻人發達。

1/2018光顧

1/2018 光顧

1/2018 光顧

一向對麻辣火鍋的印像係負面的，自從多年前食過寧記，麻到苦的味道至今仍然記得，所以一向無興趣，不過朋友提議，唔想掃興就姑且試下。餐廳裝修高雅，食物選擇貴精不貴多，麻辣湯底係主角，用蔬果藥材香料熬成，味道香辣中帶甜，可以當湯飲，唔似重慶麻辣鍋的重口味。食材新鮮，簽名菜鴨血果凍幼滑彈牙，某些食材侍應會提供食法，希望能夠盡量發揮食材的優點，食物分批上，店方希望食客能夠慢慢品嘗美食，感覺好似食緊火鍋中的fine dining 一樣。食物主要以湯提味，無提供任何調味料，因為根本唔需要。若你食開廣東火鍋可能會嫌餐廳選擇少及做作，而且價錢唔平，不過湯底及鴨血幾獨特，值得一試。我地當晚海鮮只點左蠔，因為海鮮通常取其鮮味，若落左麻辣湯就覺得浪費左 。

1/2018光顧

原來荃灣的二坡坊係咁熱鬧，成條街都係火鍋店。朋友揀左澳門仔，茶餐廳格局，湯底選擇多，可惜當日無牛雜鍋。食材新鮮度一般，環境非常一般，最突出係杯大檸七，試過就算。

1/2018 光顧

又一間新瓶舊酒的拉麵店，之前係DOMON，N年前最喜歡來食炒豬肝，後來分店漸多，水準愈見低落。今次換形象重開，餐牌選擇多，加多個日本師傅，又被新聞稿吸引左。拉麵普通，食完都唔會有印象。反而餃子更吸引。有儲點咭，唔知道只食餃子可唔可以當一個印？

1/2018光顧

12/2017光顧