Foodie 生活雜誌

網上揀住宿時已對酒店一見鍾情，所以行程亦因此住宿而作出遷就，結果成為全個旅程最滿意的住宿，渡過美好時光。酒店位處半山，被茶園包圍，大自然的環境結合現代化的設施，啱哂我呢d城市人。有多種房型選擇，我今次入住雲境帳篷，對正雲海，爽YY。酒店新淨，環境清潔衛生，最厲害係酒店範圍及房間都無蚊蟲。餐廳食物不俗，服務員態度有禮，我要求換房都䀆力幫忙，非常感謝。而家興生態旅遊、研學體驗，所以酒店亦設有好多活動，而最大亮點係雲海景色，今次有幸睇到，真係靚到不能形容，有興趣可睇番之前的遊記。不過要留意，秋季係相對出現雲海機會較低的日子。

酒店喺半山，先在山腳更亭登記

一入去已見到層層茶田，綠油油的，配上藍天白雲，心曠神怡

慢慢上山

到達酒店大堂

高球車接送往房間

住呢間。原先唔係住呢度，舊房因景觀問題要求換房，好彩換到。

房間簡約，一般度假酒店設計，兩張雙人大床

儲水式電熱水爐，二人用都夠

飛甩雞毛洗護套裝，好認真

無敵陽台

無敵景觀

早晚雲海景色，吃到飽

返回酒店主樓

玻璃天花通透彩光

休閑區

通往咖啡廳

咖啡吧，云南就係咖啡或茶

露天茶座

用餐區

自助早餐，中西點都有。晚餐餐牌點菜。

好多活動，除左採茶，仲有觀星

越野車

酒店佔地好大

多款住宿，露營車

觀海木屋

帳篷屋，即係我住嗰種

原本比左呢間房我，打開門見室內佈置幾靚，點知一出露台見到比樹遮哂，內心一沉，我係來睇雲海唔係睇樹，二話不說加錢換房

若你一家人來，可考慮住呢間，感覺雲海伸手可及