Foodie 生活雜誌

9/2019光顧

韓國料理唔只得烤肉，仲有鍋物，冷麵及好多傳統菜色。所以我比較喜歡傳統韓國料理店，石牆道開左好多年，我唔知何謂地道，但喺餐廳食到的菜式，同我去韓國食到的差不多，味道唔錯，食得愜意。睇番相，原來我地一班蝗蟲真係點左好多食物，相中部分菜式打孖上，好恐怖。

睇番之前的食後感，當時嫌食物重口味，今次又唔覺，究竟係我口味改變左定係餐廳食物好食左？

https://hearoom.pixnet.net/blog/post/317891274

有多款前菜，較特別的係獅蛤同蛋卷

啤酒是必需的

生牛肉 影得衰， outfo

燒烤食物 有醃及無醃的牛肋骨，五花腩，魷魚、帶子、蝦。全部有專人代燒，火喉剛好，唔會燒燶

食燒肉的醬汁都唔馬虎

牛肋骨煲，牛肋骨好入味，炆得軟腍鬆化。牛腸牛肚鍋腸肚份量足，辣辣地好惹味。至於步隊鍋我就無食，因為完全無興趣之餘仲唔明點解午餐肉同即食麵做的鍋要收幾舊水，我亦懶去了解。

順時針 :  海鮮煎餅、泡菜煎餅、蠔餅、蒸蛋。煎餅好味，但居然係蠔餅最出色，我都係第一次食，蛋香蠔味濃，一口一件好快食哂。蒸蛋本來點比細路食，但見成個蛋糕咁，充滿蛋香，大人都忍唔住爭食。

冷麵煙靭，石鍋拌飯走辣，香噴噴，小朋友食唔停口。

最後重有甜品飲品無影，成班人似放出來的餓鬼，睇下張單的長度就知幾瘋狂