Foodie 生活雜誌

(配菜好味但每碟份量少)

9/2017光顧

應該係我食過最貴的一餐韓國菜。餐廳係食傳統韓國料理，食傳統韓國菜有個難度，因為份量大，要人多至可以試到多d菜色，若兩個人食兩碟已經飽。講番呢餐，食材新鮮，菜式選擇多，味道不俗，但服務欠佳，仲衰過新羅寶，所有食物要我地自己分，態度愛理不理，只有兩個阿頭比較好，唔通呢種服務態度係傳統韓國餐廳的傳統？

啤酒勁凍，好滿意

生牛肉片蔬菜卷  牛肉薄薄一片但牛味濃，有肉汁，包住新鮮的洋葱絲及切碎的芝麻葉，配韓國醬、wasabi、生蒜甜椒，口感同味道都有層次，好喜歡的一道菜

特級雪花牛肉 睇樣都知好味，油花均勻，肉片夠厚身，肉質柔軟，不過係有代價，盛惠$498一碟

濟洲韓國豬腩片 價錢每件以gram 計算，點完侍應會攞入來報價，似去酒樓點海鮮。點左兩塊，肉厚彈牙油脂香，好味。好懷念韓國的濟洲豚。

海鮮煎餅

冷蕎麥麵沙律 蔬菜新鮮，蕎麥麵彈牙，配上酸汁，好醒胃的一道菜

牛肋骨煲 我覺得係呢間餐廳最好食的一道菜，牛肋骨煮得軟稔入味，入口溶化，蔬菜都入哂味，配白飯一流。午市套餐都有呢個菜式，價錢平一截，不妨一試。

牛舌 真係對韓國的薄切牛舌無興趣，無口感又難控制火喉，成日燒得過火，鞋哂

辣豆腐海鮮湯 湯底味濃帶鮮，又係送飯一流的選擇

黃花魚 蒸黃花配辣汁，上面鋪上彩椒蛋絲等，色彩繽紛，魚肉滑，辣汁香，頗特別的一道菜

牛腸鍋 小辣，牛腸牛肚彈牙，不過每人只分得一小碗，未能嘗透味道

牛肉麵 牛肉麵係我最期待的一道菜，湯底有濃濃牛肉味，由侍應即席主理，可惜佢放左個麵落去之後，完全無交帶一聲就行開，一路無回來，好在朋友醒目熄火，但麵已過稔，白白浪費左個手打麵

甜品係全晚最能夠令小朋友坐定定食的一道菜