Foodie 生活雜誌

約左超哥來接我地去附近地道餐廳午餐，揀選當地食材，幾有趣。飯後返回酒店後山閒逛，超哥小時候住農村，識得好多山間小知識，仲採左幾款菌比我地睇，行下影下相就過左一個下午。晚餐都係酒店搞掂，晚上觀星，話說早上見到熱誠年輕人傍邊的朋友好hea下，仲碎碎念話佢無上進心，原來人地下午只係幫下手，真正身份係天文學科學生，仲帶我睇星河，真乖。

午餐喺當地餐館食菌。呢度興直接入廚房點菜。

我喺雪櫃見到特別的菜就點，唔記得食左乜了

超哥話呢個蜂蛹好補，但我唔敢食

點菜時，侍應會問你點煮，有趣係我地食開的清炒，肉炒菜等做法對當地人來講係未做過，佢地通常放湯或辣椒炒，係我地堅持佢地至盡做。

盡做😆😆

飯後回房小休，無左雲海的景色一樣咁靚

清楚睇到雲點樣遮住陽光，感覺似喺天上望向凡間

山中四處閒逛

山中氣象變化無常，要點酒店有自家天文台

去到山頂發射塔，見到個男人凶神惡煞，諗住會比佢鬧，立即調頭，原來佢特登出來帶我地睇大蘑菇，真係估佢唔到。

超哥都帶我哋四圍揾蘑菇

送你一扎蘑菇花

行完山回酒店品茶，年輕老闆東哥好好傾，團長買左茶葉，直接發貨香港，當日微訊付款有問題，但東哥講個信字，照發貨，團長回到香港至比到錢，隔左成十日，期間完全無追過數，仲比左好多不同品種小包茶葉試飲，好有氣度。

品茶後打算坐酒店車上山睇日落，但車遲遲未到，要知夕陽無限好，只是有限時。東哥好好人，話自己好耐無睇日落，「順便」車埋我地上去，佢長期喺酒店打躉，點會無睇？實在太客氣

感謝上天及東哥，賜我美好夕陽景色

特別的樹，枯枝與茂葉的組合

晚餐都係酒店搞掂

晚上同少爺仔瞓喺地上睇星星，想起當年同佢喺澳洲睇星的時候，佢仲未太懂事，而家已經可以同我吹水，好sweet

流星同星河都睇埋，雖然旅程只係第三日，但已好滿足，覺得之後的旅程就算不似預期都唔會抱怨，因為上天已經對我太好了。