Foodie 生活雜誌

今日全日留守酒店，咪以為無嘢好做，實際上係忙過番工。朝早雞都未啼就起身睇日出睇雲海，靚到不能形容，大自然實有太奇妙，能夠睇到如此美景，除了感恩還是感恩🙏🏻

酒店位於半山茶園內，早餐後參加採茶班，帶隊的年輕人係來山區實習的大學生，對造茶業充滿熱誠，有問必答，態度誠懇，我好欣賞佢。原來採茶唔容易，頂住大太陽，摘左一輪都只得小量茶葉，真係塊塊皆辛苦，以後飲茶會更珍惜。採完茶仲可以玩炒茶及製茶餅，曬乾後再送回香港，一條龍服務，好好的體驗。

一早起身睇雲海，連平日懶床的少爺仔都一叫即醒，果然知道乜嘢係重要

雲海兩個字真係好貼切，眼下的浮雲就如大海，山頂都變成小島。

我地好幸運，住進酒店最靚景的房間之一。

坐住睇又得

瞓住睇都得，無敵享受😎

日又睇夜又睇

咪以為幸福係必然，山區天氣𣊬息萬變，去完厠所出來已經只見雲霧。

剎那變臉

酒店自助早餐

採茶時間

只採葉尖

茶山有好多層茶樹，我地只能採頭幾層

天氣好好，影相好靚，其實曬到暈

製茶餅時間。先炒茶，如今現代化，全部用電了。

我地四個人夾埋至採到一小盤，戴上手套，小老師教我地炒茶，通過熱力，茶香慢慢沁出

跟住製茶餅，你可以即時攞，又可以放喺度慢慢吹乾，pack好後快遞送去你家

輪住整，襯其他人整緊的時候我去嘆咖啡

茶餅製成品，揀埋包裝，番到香港已收到。