Foodie 生活雜誌

11/2021 光顧

高級中菜廳，又係嗰d用貴價材料去做一般點心的餐廳，但味道並不突出，一係偏濃一係偏淡，最出色居然係經理的介紹。餐廳喺渣打銀行總行地庫，食服務食擺盤食環境食裝修多於食味道的西式中菜，偶一為之，叫做見識下城中人氣餐廳，感受下氣氛。

黑松露蛋燒賣 介紹話燒賣內包住半熟的鵪鶉蛋，蛋黃會流出來，講得無錯，但經理漏左提點心係無味的

脆皮叉燒包 上枱時熱辣辣，外皮酥香，蠔油叉燒饀味道濃郁，用黑毛豬就升級囉。

北京鴨絲春卷 好大件又無乜味

櫻花蝦瑤柱蘿蔔糕 如相中所見，外皮煎得金黃香脆，但僅此而已，味道一般，蘿蔔味唔出

辣汁南澳龍蝦腸粉 蝦幾爽，辣汁唔辣。

黑毛豬叉燒 蜜汁太甜，豬肉太稔，唔得

蟹粉麵 大閘蟹季節，不時不食，蟹粉香濃，鮮味頗鮮。但配甜豉油炒麵我覺得味道over 左，若配陽春麵撈來食會更好。不過呢樣已經係成餐最滿意的菜式了。

餐廳喺渣打總行地庫

大厦內落完電梯再落樓梯，好似喺地牢食飯咁，行動唔方便的可搭𨋢

地方大，室內燈光偏暗，不同區域不同設計，好chill

洗手間設計都好有特色，似八卦圖，幾個厠間圍住，洗手盤置中

水箱都有玩味