10/2016光顧 波士廳@尖沙咀ICC
好友生日，借個藉口食餐好。未食之前以為好貴，原來又唔係想像中咁誇張，當然都唔平。餐廳高高在上，可惜夜景唔靚，夜景始終都係維港景最靚。室內設計金色配黑白色，摩登優雅。我只係食家常小菜，食物味道唔錯，估唔份量好足，招呼又好，滿意的一餐。
黃全蝦球 大蝦彈牙新鮮，蛋黃香口唔油滯，好食。不過伴食的海苔米通唔夠脆口。
蝦醬黑豚肉蒸豆腐
瓦𨅝花雕雞 本來訂左鹽焗雞，點知漏單，唯有無奈接受。好彩雞滑花雕汁香，唔錯。
鮮磨杏汁浸菜心 杏汁香，菜心甜，好味
生炒臘味糯米飯 炒得乾身，粒粒分明，臘味切得細細粒，好精緻，但就稍嫌乾左少少，味道又淡左少少，但已經係近幾次最好食的一次
因為漏單，所以送甜品。楊枝甘露、蓮蓉包、流沙煎堆仔，精緻好味，唔太甜。
精緻高雅的招牌
室內設計以黑與金色為主調，高雅而不俗氣
西九龍的夜景，建築物一式一樣，燈光顏色單一，與維港景相比，差遠了
呢個海景，朝早來會好睇好多
有型餐具
101樓，真係好高㗎
文章標籤
全站熱搜
留言列表
香港食食食 (25)
