Foodie 生活雜誌

9/2021 光顧

多年之前因為做promotion，部分點心買一送一至捨得幫襯，印象中點心好食，當時都覺得貴。今時想食但又唔捨得，點算好？把心一橫，劫富濟貧，屈左老友請食飯，可憐埋單時我都有點肉赤。點心選擇多，味道好，份量足，日後儲錢再來。餐廳星期日茶市分兩輪，建議一定要揀星期日的話，選第二輪可以坐耐點。

舟山海蜇頭 陳醋香，海蜇爽

椰王鮑魚灌湯包 原個椰王上，湯底清甜毫不油膩，湯包足料，仲有隻鮑魚仔，交足貨，好味

叉燒柔軟juicy，蜜味香，好高水準，我同小朋友爭食。

蟹肉蝦多士 炸得金黃香脆

焗釀蟹蓋  蟹肉滿滿，薄薄的麵包糠包住一梳梳蟹肉，鮮甜好味

鮑汁鳳爪。鳳爪炆得稔，鮑汁黏口，好入味

XO醬炒蘿蔔糕 唔得，太多粉。

XO醬好香

楊枝甘露同豆腐花都唔錯

餐廳門面普通，但一穿過大走廊立即豁然開朗。餐廳樓底高，枱與枱之間有距離，裝修高貴得來低調，似在酒店大堂進餐，難得又唔嘈。有梳化雅座，餐桌setting 清雅，杯碟靚，張椅都坐得好舒服，配合埋落地玻璃大海景，環境舒適。