Foodie 生活雜誌

5/2021光顧

主理九洲料理的居酒屋，出名食牛腸鍋，餐牌選擇多，多款佐酒小菜，下酒一流，鍋物、串燒、刺身.....乜都有，食物感覺地道，味道好，真係好似去左日本的居酒屋，當晚點左多款小食飲酒，最後以牛腸鍋作結，幾個好朋友好耐無見，食得開心飲得暢快，美好人生少不了好朋友💕

雞肝甜辛煮、螢光魷魚沖漬、酒盗芝士，醃制食材，下酒佳品，每款細細碟，雞肝juicy，螢光魷用醬油及酒做醃漬，好香咸鮮味，酒盗芝士係我喜歡的下酒小菜，強烈的咸香令人不自覺飲多幾杯，好過癮。辛辣明太子口感豐腴，應該係比較高質的貨色

刺身 中拖羅及池魚 新鮮度一般

雜菜魚餅  真正魚餅，唔係食落一口麵粉嗰d

炸牛肉薯餅 即係可樂餅，只得好少牛肉，當炸薯餅好了，炸得乾身，薯茸軟綿綿，沾燒汁醬食，香口

魷魚絲天婦羅 

山芋燒 用准山做成的燒餅，因為我喜歡准山的質感，滑滑的燒得香口，好好食

牛腸鍋 咪以為似粉麵店食開的牛腸，呢個鍋的牛腸較靭，而且好肥，但係又好香喎，食到咁上下加入豆腐韮菜等配料，亦可隨個人口味加入辣椒粉及蒜片調味，冬天食會好暖胃。好多人怕食內臟又怕肥膩，難得今次同幾個為食精一齊，食得盡興。牛腸鍋份量幾多，我地之前又食左好多小食，所以四個人點二人份都夠。

cheers 

再來梅酒

餐廳喺商厦內

地方幾鬆動，唔會迫迫夾，見到有日本人幫襯，侍應都有日本人。

日本料理不時不食，餐牌應該每月都有改動