8/2020光顧
兩夫妻經營家庭式小店，供應一般西餐，賣點係不加味精，做得幾有心機，味道唔錯，小清新擺盤。雖然未去到特登去試的級別。但總係想支持下呢糕有心小店，記得要訂位。疫情期間，小店仲有好多食物包出售，住喺附近的朋友不妨一試。
午餐包餐湯、主菜及飲品。蔬菜牛肉湯，幾甜
北海道帶子意大利飯 飯粒有咬口，唔會水汪汪，剛剛好，加人洋蔥枝豆，味道濃淡適中。帶子可以煎更加嫩，不過都唔錯了。
老闆娘推薦pina cotta， 賣相幾靚幾精緻，有冰berry同士多啤梨果醬，味道唔太甜，不過質地稀，似食yogurt 。
碟豆花檸檬蜜，自家漬檸檬，幾清甜，靚靚的特色飲品，隨套餐點，餐牌價加$20
小店幾吊腳，喺斜路上的水街口，但幾有外國feel。小小一間店，帶點田園風的裝飾，佈置温聲，睇得出係店主的心血。(想起從前的soulmate，ROOT......心傷。)
全站熱搜
留言列表
香港食食食 (25)
