Foodie 生活雜誌

今日要離開住左幾日的「家」，一早起身來個最後一次的鄉間慢跑，跑完後再享用自家製熱狗後出發。今日景點係維京博物館，睇下北歐人祖先維京族的歴史。去到場館，幸運地被職員告知海邊正舉辦一年一度的維京節，於是乎一班人行行重行行地行左大半個鐘，穿過森林走到海邊參與盛事。以為整個活動只係擺下攤位做下表演，無想過丹麥人好認真，真係一家大細著哂古裝，搭哂帳幕住幾日幾夜，模仿古代人生活。呢個活動幾有趣，可以露營之餘又有歴史傳承的意義。可惜天氣欠佳，遇著落雨天，大家又無帶雨具，頗為狼狽，不過比小朋友體驗下都好，平日在香港實在太保護了。由於要趕住去下一個住宿同屋主交收，無緣入博物館一看，有點失望。

最後一日晨跑，往反方向路段跑，景色又不同了，金黃的稻田配藍天白雲，wall paper 一樣的美景。仲遇到野兔

是日熱狗早餐

途中遇見美麗的風車花田，以為去左荷蘭，落車又影一餐

Moesgaard museum 與環境配合的簡約建築，館內展覽館都好有氣氛，可惜我無時間慢慢欣賞

户外的維京風格建築

開始出發往海邊，途經大宅

中途見到餐廳，以為就到，原來仲要行

天色開始暗，因為之前以為只在室內參觀，大家都無帶雨具，唯有加快腳步，希望去到有瓦遮頭

終於到了，已經有人坐在場邊等睇表演

有好多攤位，賣古代飾物，我地3位小朋友各自買左木劍同盾牌，要幾舊水，終於知道原來真係有人買😱

表演開始，係兩個族群的對戰，睇睇下落大雨，但無損各人心情，大家都繼續投入地睇，見到當地人的雨褸又靚又實用，真係想買番件，可惜香港用唔著

再往內走，原來已經搭滿帳篷，似一條村落

仲有小食店，實實在在的木盒煙熏香腸，不過幾咸，仲有傳統菜湯

古代餐廳

小檔攤有燒豬賣，雖然好衰，但我想講個豬樣真係幾可愛，我地買左豬肉同薏米飯，幾好食。不過落大雨，只能在樹下狼狽地食，好彩店主比個盒我地裝住食物，無整濕

無法繼續參觀博物館就係因為要趕住來收屋，間屋好大，小朋友的下午節目就係喺後花園踢波，大人就hea下，爽YY

自煮晚餐，我最喜愛