Foodie 生活雜誌

按摩係曼谷旅遊的重頭戲，當然要晚晚做。不過我對spa的興趣唔大，所以只安排一日做spa，其餘就喺酒店附近做泰式按摩就算。按摩店我主將乾淨就得，當然要見到有客幫襯，其他就唔係我控制範圍，因為按摩好講運氣，而且各家店師傅的按摩手法及次序都有點不同，好唔好就要講彩數。至於spa我就會更著重環境及睇comment，今次去的spa店之前已去過，幾年後再來，水準仍然keep到。原本仲安排左喺另一間spa店做aroma massage，點知犯左低級錯誤，約錯時間，否則就可以頭兩日做 Thai massage 鬆筋骨，之後兩日做aroma massage 放鬆肌肉了。

先講Coran Boutique Spa。中價 boutique spa ，唔係大型名店，無豪華裝修，感覺平實natural。Spa之前喺Ekkamai 區，好多日本人幫襯，今年搬左來Nana。充滿熱帶氣息的平房，令人放鬆心情。

樓下係reception，走廊洗手間，貓咪等緊

清雅的reception 及waiting area 

所做的treatment 已於網上訂左，來到坐低飲完茶，填完所需服務的問卷就選按摩油。spa都幾full，記得網上預約，另外網上揀treatment 有折。我選左個treatment 包 hair massage, body scrub 及 70 mins aroma massage，盛惠2800 bts 。

spa 房間在樓上

spa 房，一般spa房間，清簡無雕花。我選左個treatment 包 hair massage, body scrub 及 70 mins aroma massage，盛惠2800 bts ，整套服務舒適，不過hair massage 用椰子油，我洗左兩日至退到油膩感。另外做完hair mask 後無預時間比我吹頭(定係原本有？我唔好意思要師傅在外等咁耐) 結果我係咁2吹下個頭就繼續做按摩，要知老人家好易有頭風冷親嘛

就算有朋友同行，都可以選擇自己一個人一間房

衛浴佈置簡單，自家生產的沐浴洗頭用品質素一般

贈送小禮物，又多個唔等洗嘢

spa 店有督督接送去BTS站Phloen Chit。

Chaysiri Massage @Thong lo ，一間在酒店附近的店，見佢一條街上有兩間，又多人幫襯，感覺ok就試下。地方乾淨，不過兩位技師一個得一個唔得，而且按摩手法同次序都同我以前按的有出入，呢度先按背，又無乜點按手。最重要一樣係 : 其他嘢可以揾後生女，按摩都係揾番大媽好。

其實價錢間間差不多

Remedy Massage Bangkok@Thong lo ，另一間在酒店附近的店，店面顏值比之前一間好，地方及服務都好d。按摩的手勢及次序都同以前試過的一樣，感覺較正宗。

地方感覺乾淨，我對比較平價的按摩店要求唔高，唔好有陣味，唔好搞到我身㾗就得。

同場加影未有幫襯的Mandarine Ginger Spa.....個門面。一塲去到，唔蝕底都要影下。