Foodie 生活雜誌

房型 : Premium twin room (25 m2)

雖然日元低水，但而家日本的酒店好似愈來愈貴，呢類鄉下的連鎖商務酒店都要成千蚊晚😖

地點及交通 ： 近米子車站，直行步程五分鐘內。酒店設停車場，車位有限，先到先得，若滿額，可到附近車程三分鐘內的AEON多層停車場，步行返酒店只需幾分鐘。一晚700yen，泊車時於停車場取票，於酒店前枱繳費及取兌換券。

附近環境 ： 酒店近車站，餐廳不缺，附近仲有間AEON，想買乜都有。

房間設施 : 房間用色偏深色，感覺有點舊，床上有絲絨攬帎及毛氈，我最怕，覺得唔乾淨，摺埋放一邊無用過。房內有小枱及放行李位，夠哂地方開喼。但總體清潔程度一般。衞浴係傳統裝嵌式浴室，缺點係無位放護膚品。床頭有USB插頭，有重用膠拖鞋，衣架，睡衣喺每層電梯位櫃內自取。其餘的茶包、掛耳咖啡、包，洗漱用品可於大堂自取。

酒店設施 : 有大浴場，只得一個中型室內浴池，大堂有洗衣乾衣機、微波爐，另有製冰機可取冰。

服務 : 前台職員友善樂助。英文程度有限。

入房係玄關，衛浴門口係放行李位

房間一眼見哂，有空氣清新機，可放濕，開暖氣無咁乾

有小枱椅，熱水煲，雪櫃等基本設備

標準衞浴

無衣櫃，只有掛衣架

大堂

大浴場

自取用品

好多分店