Foodie 生活雜誌

上次來哥本哈根，見到城市規劃完善，全城有單車徑圍繞，滿街單車，好想踩單車，可惜無時間，所以今次plan行程時，特別安排自己離隊一天，獨自來個單車市內遊。經過一番努力，我終於租到架共享單車，從住宿踩去市中心舊城區，見到喜歡的景點或商店就泊低單車逛逛，又或者坐在湖邊發呆，又去左上一個旅程經過，想試又試唔到的壽司店，結束單車之旅。晚上食個all you can eat 韓燒，完滿的一天。

(相簿內有共享單車租借解說)

從住宿出發，住宅區，車較少，可以習慣下路面情況，始終我無揸開車，無乜路面經驗

開始進入市區，哥市單車係市內主要交通工具之一，實際同揸車無分別，每條行車線旁都係單車線，交通規則同揸車一樣，幾過癮。

沿途睇見喜歡的店舖，可以隨時停低，泊車在門口就得，呢方面比揸車方便

進入鬧市，有大車，少少緊張

終於到新港了！

揸住單車去不同景點打咭，自由自在，爽YY

亂咁踩，隨處去，來到美麗的湖邊

停車，望住藍天白雲發呆，生活本應如此

丹麥的天鵝湖？

湖邊有餐廳，天清氣朗，坐低飲杯

再上路

中場休息，嘆杯咖啡，上個trip都係來呢間，不過團友呀笨同呀占今次無來

路經市內圖書館，當然唔放過，入去睇下。市內圖書館裝修簡樸，但仍然空間感十足

掛住踩單車，忘記左肚餓，四點幾至食午餐，揀左食壽司。

丹麥好多餐廳都離不開一個「型」字，時尚簡約帶點禪味的裝修，好hip。發覺丹麥好多壽司店，以食卷物為主，質素不俗，不過食開香港價，有點肉赤

踩到鋪頭都收工，夠皮了，仲要踩多半個鐘歸家呢。

Goal

我去踩單車，團友們去shopping，大家都咁攰，今晚決定出街食。食左咁多日西餐，來到城市選擇多，決定食韓國菜

我好怕食all you can eat，不過喺外國的異國菜以乎好興

價錢唔平

食物質素ok

講下點樣租用共享單車。我用Donkey republic ，當然要先DL左個app先啦

create account ，要輸入email，credit card 等資料。

登錄後，你可以睇到自己附近的單車，揀架近的就可以。攞車時，公司會透過SMS比個驗證號你解鎖，由於我用數據咭，無電話服務，真係企左喺度，好彩比我諗到入香港朋友的電話，叫佢立即用what’s app比個驗證碼我，覺得自己好聰明

由於一開始唔知點搞，我同一時間揀左幾架車，又唔知自己有無取消，怕佢每架都計錢就大鑊，心荒意亂之下只能用唯一途徑 : email去公司問，已經打定輸數要比錢，諗住有排至覆，點知居然半小時內就覆，等我放心哂，真係效率高，服務一流，讚!

終於揾到單車，丹麥的單車好高，seat位有6歲小朋友咁高，我原本在單車公司租單車，但老闆都話我太矮，勸我唔好租，因為會好危險。但我實在太想踩單車，結果揾到架矮少少的，不過開車同停車都唔穩，喺馬路上幾危險

鎖車同解車都以apps 操作

只要將鎖插啱個位，再按lock 制就lock車，若要unlock，按unlock制，再click起個鎖，攞番個鎖出來就得，好方便。畫面亦有顯示你的所在地，租車時間同費用

還車唔係隨街放，要在地圖上揾最近還車處

玩左大半日都唔使一百蚊，好抵，來到哥本哈根記得要試下