Foodie 生活雜誌

終於來到哥本哈根，丹麥最著名的城市。今次選擇住市郊，因為價錢較平，哥本哈根市內住宿幾貴，其實城市交通方便，火車、巴士、地鐵都有，唔使住喺市中心都得。入住的airbnb位處市郊住宅區，環境清靜，交通方便，步程20分鐘內有齊超市餐廳雜貨店，鄰近火車站巴士站，踩單車往哥本哈根舊城只需30分鐘，一個生活機能齊備的小區。Apartment 佔大屋的二樓及閣樓，三房兩厠，大廳大廚房，地方整潔，設備齊全，屋主住樓下，方便聯絡，好有安全感。住左幾晚，喺附近買餸煮飯，淺嘗丹麥生活。

Airbnb Hel Lejlighed 3 værelser fri parkering

https://abnb.me/WzgRnoxGYY

apartment 外貌，以為屋仔細細，原來入面好大，業主買左一個號數，屋入面有四層 : 地面，二樓，閣樓及地牢，仲有個後花園。屋主住地下及地牢，花園亦係屋主所用，我地去的時候裝修緊。一開門就係呢條長樓梯，歐洲好多屋都係咁，抬行李辛苦d

二樓係客飯廳，兩間房，廚房及廁所

房間一 房間喺客廳後面，仲要係用玻璃門，好有透明度

房間二

衛浴  洗手盆好細，有點唔方便

廚房設備齊全，連電飯煲都有！設備先進，上圖的一幅黑牆，內裡有齊雪櫃及咖啡機，銀色嗰個係嵌入式咖啡機，用咖啡豆，正！下圖嗰個至係焗爐。

廚房旁邊直梯上閣樓。全屋唯一缺點係兩條直樓梯，幾危險

屋主好好，知道我地有三個小朋友，特別佈置左個兒童天地閣樓，不過三位小朋友仍然想同媽媽瞓，加上被電視的國際象棋game吸引，曾經喜愛的足球機都被冷落了。可怕的電玩。

閣樓有房間及衞浴，自成一角。其中一張床係電動，睇書一流

衛浴比樓下的大，有洗衣機

住宿雖然在馬路旁，但無乜車，幾靜。揸車人士可以將車泊在橫街，無需付費

附近有蔬菜雜貨店，超市，車程10分鐘以內有shopping street、餐廳、cafe。我見到商店賣的貨品都幾靚，而且價錢唔平，呢一帶都應該係中產住宅區。

喜歡行外國人的肉店，肉類分門別類，井井有條，丹麥的豬肉真係好好味，尤其係豬腩肉好正，我地呢幾日幾乎餐餐食

交通好方便，就算唔揸車都可以坐巴士

仲有火車

又可以租單車，DKK100 24小時，約港幣$120