Foodie 生活雜誌

今晚會入住位於琴平的温泉旅館，所以安排遊琴平，一早在高松酒店check out後坐電車往琴平，今次已經係我第三次來琴平，所以烏冬學校學整烏冬、行金刀比羅宮參道同食烏冬等節目已做過，太后亦無興趣，所以最後太后只行左參道同食烏冬，至於我，當然另有打算，下回分解。

資訊 :

将八 うどん (烏冬)

地址 : 香川県仲多度郡琴平町郵便局前664-14

電話 : 0877-75-3224

琴平電車站，古色古香

先行過去JR琴平站寄存行李，車站前一排石燈，有點氣勢

車站內有儲物櫃，大喼都放得落

來琴平的遊客十居其九會去名勝金刀比羅宮，不過大殿喺山上，若無腳骨力，可以考慮由火車站坐車上去。

我當然係行路，琴平的商店街，大部份無開門，可能遊客都集中在逛金刀比羅宮參道的商店了

好少見人同車並行的商店街

參道兩旁都係商店，之前行過，以為無乜好行，可能近年多左接觸日本酒，反而對金陵釀酒所設立的釀酒博物館「金陵之鄉」有興趣，其寶博物館開左好耐，但我之前從未發覺，又居然睇得津津有味

好大支清酒🤣🤣

展館設計一d都唔馬虎

高過個人的酒桶

除左釀酒程序，仲有展出同日本酒有關的資料，例如釀酒廠門口的掛飾 ：杉玉。

仲有不同的日本酒具

館外係售賣酒的商店，我當然買番支酒，有magic word 「限定品」，幾醇幾好飲，二千幾yen一支，抵飲

午餐跟tabelog，揾左間附近比較高分的烏冬店，離參道步程約五分鐘的將八，無乜外地遊客

我都係食冷烏冬，麵質彈牙有咬口，幾好食

期間限定柚子烏冬，原來只係加枝柚子汁😅不過大熱天時，加左柚子汁，味道又真清新d。天婦羅質素一般。