Foodie 生活雜誌

每個城市總有至少一個文青點，今次去高松就選左北浜Alley。一個離碼頭十幾分鐘步程，在海邊一隅，由幾個舊貨倉改建而成的覆合式小店區，內裡有售賣精品的小店，時裝店及餐廳。我當日去到已經下午四點幾，好多店鋪一係已關門，一係就公休，無乜睇頭，好彩最具人氣的Unie咖啡店有開。

咖啡店感覺非常舒適，不過咖啡及食物一般。同層有展覽室及書店。總括來講，北浜Alley對於我並不吸引，叫做到此一遊。

資訊 :

umie

地址：香川県高松市北浜町3-2 北浜Alley-h

北浜Alley，行入內街，一排鐵皮屋，中庭，店鋪及餐廳在兩旁貨倉內，但大部份店鋪關門，其中一間營業的雜貨店貨品一般

除左貨倉，附近的舊屋亦改為咖啡店，睇街上的指示牌，附近應該仲有其他小店，但當日好清靜，唔似有開門，加上我帶住太后，唔能夠行太多路，放棄了，大家有機會去到不妨四處逛逛

另一店鋪，關門了，不過店面都好有味道

時裝店，但貨色似花園街

好彩人氣cafe Umie有開

cafe在二樓

上到二樓，行到走廊盡頭，推開門就係cafe，入面好多雜誌，不過最新的卻喺門旁的書架上

打開小小的門，原來入面係大大的空間

一排向海吧枱坐位，大大的窗户面向大海，一個人來都唔悶

餐廳走工業風vintage feel, 以乾花做裝飾，好有空間感。

cafe 內四處放滿雜誌、小裝飾。過度活躍的太后為左陪我，都安靜地睇左好多雜誌，感謝

有趣的揚聲器

亦有售賣小物及自家出品的精品

咖啡及簡單小食，質素一般

cafe 同層另一單位係gallery，當日有攝影展

仲有一間書店，提供簡單飲品

喺cafe hea完後已經係旁晚，從cafe漫步回酒店，打算順便食埋晚餐。但因為好晏至食下午茶，未肚餓，但太后又唔可以行得太耐，佢提議買嘢食番酒店做晚餐，我帶左佢去三越百貨下面的超市，諗住唔會太差，叫太后揀食乜，聽哂佢話。佢居然選左兩盒特價飯😨我嚟左日本幾十次都無食過呢種晚餐！唔係話d飯差，而係覺得來到日本，咁多選擇，點解要食超市特價飯？我寧願食便利店飯團🍙😢