Foodie 生活雜誌

(市場外貌，係室內魚市場)

未去之前諗住有好多海鮮攤檔，好熱鬧。點知原來只係似超市加食堂，就似香港的豐洲水產或台灣的上引水產，海鮮丼飯賣相一般，毫不吸引，見到個格局即時無乜興趣，一心打算同太后來食海膽飯及生蠔的我大感失望，只怪自己無睇清楚資料。最後於門外的浜燒店點左個燒海鮮套餐，算係食過當地名物。不過有時間的可以試下燒蠔放題，幾有趣。其實購物街上有好多餐廳，食物同價錢都差不多，地方舒服得多。

燒蠔放題價錢唔貴，每位約二千多yen左右，我之前在四國高松市食過，可以參考一下 👇🏼

https://hearoom.pixnet.net/blog/post/248148574

大樓分三層，地下為點餐處，食堂在二樓，三樓係天台，天台就只係天台，無景觀無店鋪。

地下為魚市場，似超市，有一間丼飯店，點餐後會送上樓上食堂，另有串燒店，串燒係自取食物往二樓食，恕我連舉機影相的興趣都欠奉。

二樓用餐區，有拉麵檔，可能樓下串燒的生意太好，通風不足，室內充滿燒烤味及有點焗

用餐區另一邊係賣商貨，一般魚市場可以買到的乾貨都有。

魚市場大樓對面有海鮮浜燒店，可以食燒蠔放題，亦可以點浜燒海鮮套餐。

燒蠔放題係一堆一堆蠔放在大爐上焗，一揭蓋後自己遂隻打開食，幾有趣。

我同太后二人，無可能食放題，點個套餐，聊勝於無。生蠔沽清，只能食燒蠔，味道一般。