Foodie 生活雜誌

11/2018光顧

台式火鍋我只想到麻辣火鍋，原來而家時興養生火鍋。台灣同廣東火鍋最大不同係湯底，今次點左麻辣、酸菜同養生湯底，味道香濃但唔口渴，唔錯，材料就同平日的食材差不多，不過今次有油炸鬼同冬粉，索哂湯之後好好味。另外午餐肉炸過更香口。可惜我當日開餐前已食飽左，好多嘢都無食，下次有機會再去。

餐廳在二樓

中式屏風佈置，地方有點擠迫，燈光較暗，雖然有快調，但我老人家就想光猛d囉。

醬料自助，可以慢慢搞，唔使趕住還番個九宮格比侍應，無咁大壓力，而且我坐附近，覺得幾方便

大銅鍋

朋友愛麻辣鍋，內裡有鴨血，朋友話湯底好味，但鴨血有點膻。我怕辣無興趣，點左酸菜白肉鍋，鍋內有酸菜、豬肉同蕃茄，好多料，湯底酸酸地好開胃。

美人鍋 用不同藥材及烏雞熬成，望落好似好濃，但飲落又幾清甜，烏雞肉嫩，幾好味。仲有最近大熱的桃膠，但我興趣不大。

牛肉不俗，間間差不多

鴨血、油炸鬼、大腸、豬腸、炸午餐肉，冬粉，酸麻辣鍋最正

同小朋友打邊爐，丸丸旦旦餃子烏冬唔少得，我幾欣賞個餃子，漲卜卜，好味

蔬菜部，我最喜歡冬瓜同鮮准山

敬送甜品 芋圓幾煙靱