Foodie 生活雜誌

11/2018光顧

幾年前去係倫哥私房菜，食雞煲火鍋，今次再來已變成海鮮蒸鍋。套餐形式，八款海鮮，可以自選擇醬汁蒸，再加蒸飯及涼粉，每位$238再加一，材料新鮮味道好，份量夠。地方整潔，招呼不俗，好過自已買海鮮回家洗餐死。唯一詬病係坐位太迫，一行八人被安排坐卡位，每行4個，個個肥C大隻，傾偈又唔方便。

智障提示 : 我整理番相片至知得7款海鮮，無食到鮑魚，燉湯都無，可能侍應忙中有錯，我地又無追，後來朋友打番去問，原來鮑魚變左餐前小食的汁煮鮑魚，唔係我地要求的煮法，大家有機會去食就留意下。

地下全部為卡座，我之前食雞煲年代來幫襯時坐過閣樓有圓枱，但又迫又嘈

套餐菜牌，自選蒸海鮮醬料，某些海鮮有得揀種類

海鮮一盤盤放在車仔上，感覺未必太衛生，不過我接受。一分錢 一分貨，環境所限，要絶對衛生放心就返屋企自己整了。蒸海鮮有專人代勞，食客只負責食就得

前菜小食，豬手又腍又入味，讚 

花膠鮑魚，鮑魚自己食左都唔知

八款海鮮得七款，可能因為夠飽，無為意少左一樣，成枱人都儍下儍下

蒸蔬菜 套餐包埋

雜錦蒸飯 望落都幾靚，好豐富咁，有蔬菜排骨花生炸菜臘腸等配料，蒸好後再加豉油食，又幾好味喎

黑糖冰涼粉，唔太甜，幾清新，雖然話任食，但我實在太飽，只能食一碗，蝕左。