Foodie 生活雜誌

11/2018 光顧

小店做得用心，麵底及配料選擇多，湯底好味，喺埋單之前都諗緊下次來再試其他湯底。埋單$81，心諗一碗麵加一杯飲品要咁貴？以為計錯數，問下至知無計錯數，係自己點的時候無睇價錢，又原來收左最低消費$20。當日二人同行但只有我一個人食，友人因爲之前食左嘢，只陪我食。店方見友人唔食嘢，叫佢點杯飲品，友人於是點左杯$10的豆漿，我點左碗六十幾蚊的車仔麵。雖然店內當眼處已寫明每位最低消費$20，但餐廳當晚大把位，我又唔係幫襯十元八塊，諗住唔會收最低消費，點知都係收左，我明白係應該比的，十蚊亦只係小數目 ，而且店方亦好心提左友人點飲品，只係比得有點不是味兒。佢均真我孤寒，大家唔夾，就算覺得食物做得唔錯都唔會再來了。再講一次，純粹係我個人感覺問題。

門面簡潔清新，當晚係平日，過左食飯時間，客人唔多

可愛的海報，主打特色湯底

好多款點菜紙，其實除左飯類以外，多款點菜紙的配料都係一樣，只係湯底張擇不同。

胡椒豬肚湯配上海麵、豬大腸同鹵水蛋 湯底充滿胡椒辣，已配埋一份豬肚，幾好味，食完有點口渴，但可接受。豬大腸夠厚身入味，不俗。

粟米芝士煎蛋捲  同我自己整的無分別，但我喺屋企整的成本都要$6，呢度唔使整唔使洗，收$12，合理。