⼃
若銀根鬆動, 可入住祖谷温泉酒店，因為「日本三大秘湯」之一的祖谷温泉就喺呢間酒店內。否則可以學我窮風流，住新祖谷溫泉ホテルかずら橋，去祖谷温泉酒店只浸温泉，盛惠1500yen
由於巴士班次疏落, 我們選擇坐的士。意外收穫係遇到蓮子蓉司機，沿途帶我地遊埋祖谷溪同小便僧，若我自己揸車都未必留意到。之後在外面等我浸完再接我回酒店，服務一流！
在櫃台付款後就坐𨋢落谷底。在平台望住美景等𨋢，等多陣都無所謂
有位坐，𨋢程5分鐘，可欣賞峽谷美景
通過呢條樓梯就係秘泉了，呢個温泉純天然(介紹係咁講)。水唔熱，只得39度，冬天浸應該會冷，但我而家就剛剛好。水質好滑，一路浸一路有氣泡附在身體，好有趣。望住峽谷的秋色，浸住滑滑温泉水，好享受，我愛浸温泉！
文章標籤
全站熱搜
留言列表
香港食食食 (25)
