Foodie 生活雜誌

早上喺旅館食完早餐就出發去蒜山高原飲鮮奶。日本的鮮奶香濃鮮甜，直接去製品工場飲應該會更新鮮？蒜山高原有好多遊樂景點，包括一個有過山車的大型遊樂園 ，若天氣好又有時間，不妨開車來兜一圈看看。

飲完鮮奶去吹屋故鄉村，一條小小的古老村落，但係唔知點解GPS指左我地行一條山間小路，又斜又窄又多彎，朋友自駕經驗唔多，好彩最後有驚無險。

資訊 ： 

酪農農協乳製品工場

地址：蒜山中福田９５６−２２２

電話：0867-66-4480

工場在小山丘上，一排西式洋房木屋，內裡係工塲同餐廳

工塲要保持衛生，要參觀就要參加見學團。不過亦可以透過窗戶睇到每個部門的運作情況，窗外有圖片介紹，可以對製作過程有個基本了解。

睇完就去餐廳

乳製品多年來的不同包裝展示

購物部。除左蛋糕、芝士、鮮奶、乳酪等製品，仲有火腿香腸、餅乾零食等貨品。二樓係展望台，但其實只係企响二樓望番落餐廳，有洗手間同一間類似會議室的休息室。

原本計劃係在餐廳坐底望住靚景飲鮮奶食蛋糕，可惜餐廳喺我地來到的時段只有芝士火鍋供應，唯有放棄

結果買左鮮奶蛋糕喺室外享用。其實普通商店都有得賣，不過一場來到鳥取，就揾d地方行下。

初冬，大山已積雪了

駕車離開時經過蒜山旅遊中心，有餐廳有cafe，有租單車租.

往吹屋故鄉村途中見到的路牌，圖案好靚

GPS標示的小路

原來係單程山路，好彩今日天氣好，若天陰下雨都幾危險。一路上山一路想，若有對頭車都唔知點算。

肯定會有另一條大路去鄉村，因為我知道有巴士去鄉村，巴士無可能行呢條路，但我人生路不熟，對於敬畏的GPS只可以抱住 「不要問，只要信」的態度

好不容易捱到，食碗烏冬定下驚先