Foodie 生活雜誌

吹屋故鄉村，屬於國家的重要傳統建築群保存地區，鄉村以往盛產鮮紅色顏料——弁柄（氧化鐵紅），所以村內有一條由紅色建築物組成的街道。某些老屋仍然保留舊有狀態，成為博物館供遊人參觀，有些老屋則改為商店、餐廳或工作室。可能景點交通不便，我地週六來到都不太熱鬧，鄉村只有一條街，附近景點不多，用兩小時已經可以行完，不過我食完午餐慢慢行，之後再飲下午茶，所以只係行一條街已經用左一個下午。

資訊：

吹屋故鄉村

地址：岡山県高梁市成羽町吹屋838-2

電話： 0866-29-2222

今日天氣好好，好適合散步，村口有免費泊車塲，大約十個車位左右，若滿左可以泊在村外再步行上來。鄉村重點係一條街，兩旁都係老屋，走入村中有如時光倒流，村內模式跟一般日本古街差不多。

鄉村有巴士往來火車站，班次疏落，有需要的請自行上網查詢。巴士外型古老，與古村好配合。

每間老屋門外都有介紹牌，介紹老屋歴史

郵局，生活必需品，去過好多日本古村都有郵局

當然要有對遊客最重要的商店

扎染工作坊，店主由東京搬來開店，定期將店內消息上網分享，有左互聯網，加上交通發達，生活模式有好多可能性，就睇當事人如何選擇。

古時的漫畫與figures 

街頭的自助店，售賣手作，地道日本製

鄉村鄰里關係緊密，街頭有留言板互通消息

有幾間老屋開放參觀，要收入場費，我參觀左舊片山住宅及鄉土館

參觀舊片山住宅有如睇老屋的示範單位，睇下古人如何生活，我最喜歡

一入屋就係大廚房

二樓係寢室、起坐間，樓梯窄而直，由櫃桶砌成，古人已著重收納空間😁

古代的日本人身型矮細，所以樓底好矮

房間

後園係工塲

製造顏料的地方

行完去街尾飲咖啡

餐廳有飲品及咖哩飯提供

設計走懷舊風

室外天氣寒冷，喺咖啡室內有暖爐，享受住窗邊的陽光，好想來一個午睡

但我只有一杯咖啡的時間

店內放滿舊物，擺位明顯下過心思，絲毫不覺雜亂。

店主係beatles粉絲，店內播住beatles 的歌，搞到我最後要聽埋Hey Jude 至肯走

室外座位亦可享受音樂

餐廳不定休

吹屋村附近有其他景點，但我用左太多時間散步，貴精不貴多，所以無行其他地方

村內有間guest house ，若非自駕，又唔想趕巴士，不妨喺度住一晚，慢慢行慢慢睇。