Foodie 生活雜誌

10/2022光顧

呢一餐去到元朗食已經係一個考驗，我先經地膽食家確認好食，揾佢幫手book位，再揾當地人陪我去(唔知以為去外國😆😆）

晚餐餐單豐富，主廚功力好，食物火喉控制得剛剛好，用料新鮮，味道恰到好處，菜式有創意有驚喜，食器精美，係我近來最有印象的一餐。雖然餐單以海鮮為主，無咁heavy，但結果都飽到捧住個肚走，罪惡感重到直頭想由元朗行番屋企去消脂。

我好憎寫呢d分享，因為太多嘢想寫，一路寫一路怨自己浪費時間，重度分享症的病態😭

前菜

北海道白粟米，清甜

瑤柱蟹肉羹蒸蛋

賣相精緻

黑松露帶子

厚厚的帶子煎得外香內嫩，鮮甜

馬友一夜干配鏗魚湯粥

肥美的馬友醃咸煎香，配一小杯以鰹魚湯底煮成的粥，滿滿的咸鮮海洋味

自家製蝦醬、蟶子

大廚以蝦殼蝦頭熬成蝦醬，有蝦味之餘又有質感，蟶子鮮嫩

鹽燒東風螺

睇到咁大堆鹽上放上東風螺都覺得開心

螺肉柔軟帶咸味

燒地蛤

大大隻日本蜆，夠哂肥美，加牛油以gas爐浜燒，香夾甜

稻草銀鱈魚

見到又一花臣，平時我會有點反感，覺得搞埋d gimmic嘢，不如正正經經煮下來食。但食左前面幾道菜，對廚師有信心，反而幾期待

成舊肥豬肉一般的銀鱈魚，諗住一定滯死，點知真係有如大廚所講，入口溶化，唔會太大負擔

大閘蟹松葉蟹餅

好開心有蟹餅食，仲要係旬之選的大閘蟹及松葉蟹！蟹餅兩面煎香，蟹肉滿滿，鮮甜好味

鮑魚松茸，松茸火腿雞湯

食到咁上下，來個雞湯潤下喉，雞湯濃郁，配南非鮑及松茸，美味

鮟鱇魚肝mouse

mouse幼滑，配麵包。放喺餐單上，細細份點綴下，真係做到少食多滋味的效果👍🏻

酸辣湯白子

鐵板燒都有白子，好驚喜！主廚將白子煎香後配酸辣湯，我無試過呢種食法。

平時食白子我只喜歡刺身配酸汁，試過天婦羅及燒烤都無興趣。但呢個先煎香白子，外面微脆，增添口感，配酸辣湯，本身無味的白子，以軟滑及外皮煎得微脆的質感，配香濃及多配料的酸辣湯，又好夾喎

煎大蝦

睇見隻蝦都知道肥美，蝦頭滿滿的蝦膏，用來煮成汁，配合厚嫩的蝦肉，噴上威士忌，提升食味，香夾濃👍🏻

A5 宮崎牛

食到呢度，我已投降，仲要來個宮崎牛，衰d講句，若係佐賀或鹿兒島牛，可能我會半放棄，但比個宮崎牛我，又隊埋佢。牛肉柔軟，充滿油脂，若我唔係食到咁飽就真係幾享受，但食到九成飽的時候再來一個重量級就真係有點浪費。只怪自己食力唔夠。

最後（以為係最後），炒飯、味噌湯、炒菜係例牌。衰在個炒飯落左美奶滋同欖菜炒，好好味，結果投降都要打包回家食

以為食完，點知大廚放幾塊麵包出來話整甜品，我一邊咀角輕輕一斥（即係蔑）心諗 ：麵包有乜好食？

結果大廚將生命麵包化為神奇，整到蝴蝶酥咁嘅質感，好好食，又隊兩條。

最後，真係最後了，柚子雪芭

小店門面簡單，喺小街內，旁邊係車房，店內只得一張鐵板燒枱，十幾個位，一眼睇哂

，