Foodie 生活雜誌

(鋪位好大，入面有tatami區，裝修簡單，大部份係日本人，唔使掛滿裝飾教暗燈都好有日本平民餐廳feel)

11/2015 光顧 

尖東 (尖沙咀東部)，在90年代繁華一時，日本人在香港的大本營，在此開設夜總會、餐廳、公司。想當年的消費對我來說係天價。多年後的今天，隨住金融泡沫爆破，一切已成為泡影，地方亦有點頹氣，而尖沙咀的重心亦已移至海港成那邊。店子已在此營業N年，我從來只會在門口望下就算。近日見雜誌介紹，見價錢負擔得來就去試下。八卦一問，原來店子經營了13年，可能中途轉手了吧。店子客似雲來，星期四晚上都坐滿，光顧的8成係日本人，一般居酒屋的選擇都可以在此找到，加上廚師不定期的時令推介，選擇甚多，味道不錯，串燒用備長炭，飯團大大個，跟而家成行成市的連鎖店氣氛亦大有分別，呢度麻甩好多。

前菜係離錦，有菇，雜菜，蘿蔔蓉撈埋一齊

居酒屋 梅酒不可少

酸汁白子刺身 新鮮白子配酸汁，下面墊有海藻，白子又滑又鮮甜，多年以前一試難忘，見到通常都會點。不過新鮮同唔新鮮的無論口感同味道都差好遠，呢個好味

串燒 例牌點雞皮，牛舌，再加一串梅子紫蘇雞  雞皮燒得軟硬適中，香脆得來又食到雞皮的軟度，唔錯。牛舌厚薄適中，都唔錯，若可以再嫩少少就更好。雞串加紫蘇同梅子，味道更豐富，good

吞拿魚腩蓉卷

忌廉蟹肉薯餅 日本人好喜歡，炸到金黃色，外脆內creamy，不過食唔到蟹肉喎

芥辣煮日本米茄子鴨胸 個茨厚左d, 茄子好甜

牛油煮蜆  牛酒爆香蒜片同韮菜炒，好難唔好食，不過蜆有點沙

三文魚飯團 廿五蚊個， 要燒的加十蚊，燒左香口d，入面的三文魚爆香左，咬落油花四濺，飯團大大個配埋麵豉湯，幾抵食，最啱填肚