Foodie 生活雜誌

(屋子靜靜座落於荒地上，仲要被大堆草包圍，門面極低調)

美味烏冬店。被旅遊書照片內的肥美鴨肉片吸引，決定開車來食。餐廳在鄉下，相信要自駕先可以來到，仲要開朝11至下午3點，星期日休息，真係唔憂做。駕車來到見一片荒涼，都打定輸數，好在有開門。室內裝修簡約現代化，好舒服。一般烏冬店的烏冬配料係雜菜天婦羅，玉子或蘿蔔茸，但呢度配料好唔同，四款分別係 ： 大蜆、鴨肉、炸雞同筍。大家都唔係素食人，所以無點筍。烏冬彈牙煙靱高水準，大蜆肥大肉厚又鮮甜，用蒜茸牛油炒過，連湯底都香埋。又因為隻蜆太好味，大家一致決定點多客大蜆淨食。鴨肉冷烏冬，鴨肉充滿油香，加上淡口醬油，好味。炸雞配咖哩烏冬，炸雞嫩滑啖啖肉，咖哩香，正！碗碗都咁好味。見餐牌有「自家制」 字眼，又出去攞串免治雞肉串同蘿蔔，水準一樣高，雞肉彈牙，蘿蔔入味，配埋自家制甜麵豉醬，食完要encore兩串。我好鐘意食烏冬，每次去日本一定食，呢間絕對有驚喜。

地址 : 香川県丸亀市垂水町中村９５６－２

電話 : 087-728-9981

四款烏冬

列明用料來源，食得安心。雖然唔知寫咩，但感覺好勁

蜆

鴨肉

炸雞

追加炒蜆

免治雞肉及蘿蔔串

麵豉醬

去到只見一片荒涼

誰知室內又幾現代化

店內精緻小擺設