Foodie 生活雜誌

2/2020光顧

同朋友來食飯，一坐底見佢面有難色，問佢咩事，佢話之前佢有朋友來食飯，四個人食左過萬，所以佢深感不安。雖然餐牌上的食物價錢唔算平，但都無理由食到過萬，我好奇睇完相就明白，因為佢地食 Omakase 之餘再開三枝清酒，我陰陰咀同朋友笑笑，同佢講 :  「今晚你請，你咪諗囉😏😏😏」

餐牌走中價路線，食物多樣化，食材質素好d，擺盤靚d，裝修好d，坐得舒服d，似一間斯文的居酒屋。我地乜都點d，壽司、串燒、燒物、鍋物都有，味道中規中矩，勝在多元化，適合朋友聚會的餐廳。至於價錢......當然唔使過萬，若真係要比過萬的消費，我相信會有更好的選擇囉。

梅酒 前兩日去同一集團於尖沙咀的餐廳飲，梅酒份量少一半，冰的份量多一半，個價錢一半應該比左個維港景

壽司卷物，質素同千両差不多

串燒 豬腩肉、雞皮、冬菇

燒厚牛利酢麵豉 似食一舊索滿油的牛利，我食左一舊，唔想再食，但同枱朋友話好食，所以我永遠係嗰句 : 各人口味不同

清酒煮活北寄貝 北寄貝肥美，剛剛熟，好嫩滑，酒味頗重，不俗

燒日本安心雞配柚子蘿蔔漬 雞肉嫩雞皮香，柚子蘿蔔漬清甜，好味

美國產牛肉壽喜燒 牛肉柔軟，燒汁味我剛好