Foodie 生活雜誌

(高松市景色)

大清早去道後温泉本館浸温泉。我係宮崎駿粉絲，因為動畫「千與千尋」至知道有道後温泉，當然要來一看。其實溫泉無特別，不過一想如此歷史悠久的建築物不只可以參觀，仲可以使用館內的温泉設施，又頗有意思。

早上的道後温泉本館

 道後温泉本館背後

千與千尋介紹

走廊掛滿温泉館的相片及介紹，似一間博物館

其實入面只係一個澡堂

休息處，要另外付費。泡温泉400yen，連休息處及茶點890yen 。我只泡温泉，上來影張相

再上多層有個小小的介紹室，付出最低消費的400yen都可以上來

除左道後温泉本館，仲有呢間樁之湯，所以嚟呢度想浸温泉，就算唔住温泉酒店，住小旅館都得

温泉街必備足湯，呢個在某酒店入面，都幾大

泡溫泉後回酒店途中經過一間西式建築物，內裡有餐廳，就決定在此食早餐。原來入面係琉璃藝術館加影婚紗照嘅地方，餐廳在池畔，有花園圍住，佈置雖然人工化，但配上藍 天白雲，喺傳統温泉鄉食著西式早餐，感覺蠻不錯。餐廳隔壁係琉璃美術館，所以一路走入餐廳的走廊有不同的玻璃燈罩，好靚好別緻。

走廊的燈罩款款不同，好靚呀

 早餐的三文治、pancake及咖啡，日本的一貫好水準，配合環境，食得滿意。

早餐後去道後温泉站影下相，再到商店逛一圈就離開。

火車站對面有機械鐘，每半小時啓動一次。另有足湯

出發往高松，感謝沿途好天氣

由於沿途都無咩做，所以中途去旅遊書介紹的烏冬店食烏冬，無介紹錯，好好味！

 因為之前已經去過高松，景點烏冬學校、栗林公園都去過，所以就跟書去屋島，屋島位在山頂，書上介紹有屋島寺、歷史遺跡、商店街、水族館，仲有觀景台睇日落。去到時屋島寺及商店街已關門，四圍行下，睇日落之餘仲遇見狸貓，不錯的景點。晚餐後就回酒店了。

遊屋島

屋島公園在山上，佔左一個山頭，可參觀的地方有屋島寺、戰爭遺跡、商店街、仲係睇日落的勝地

屋島寺好新淨，似乎係供奉狸貓的？

好現代化的建築，博物館，已關門

瀨戶內海藝術祭的展品都在此展覽

呢度地方大，要行山去睇遺跡，路好易行

一個復修後的戰爭遺址，我唔識，不過可以眺望高松市景色

呢度唔止供奉狸貓，仲可以遇到真狸貓

看日落的瞭望台

有旅館，真係有人會特別住一晚睇日出日落