Foodie 生活雜誌

想食瑞士菜，香港無太多選擇，Chesa係其中之一。

瑞士小木屋裝修，氣氛輕鬆，服務好好。

麵包籃, 右上角的最好味, 個樣似卡通片海迪早餐食的麵包, 咸咸的

分別點左薏米湯同露筍湯, 以為薏米係中國食品, 唔知瑞士都有, 兩個湯都好好味, 不過成百五蚊一個, 好貴.....

頭盤點左crabmeat pancake, 記得以前去spagetti house 有個蟹肉卷，一定點，當然呢個係高級版，蟹肉鮮甜, 個lobster 汁用來伴麵包食好正。

芝士(唔記得咩肉) 焗洋薊. 味道普通. 但食呢道菜有個小插曲. 話說我地食完入面的餡就就算, 經理經過見到, 就教我地其實要一塊一塊揭開, 再啜尾部,就可以食到洋薊的肉, 味道澀澀地, 但經理的友善態度令我感覺良好.

 點左例牌的芝士火鍋，酒味較重，反而芝士味無想像中重，味道普通. 朋友話好食過spagetti house , 我差點想趕佢出餐廳 !

 我反而愛食raclette du valais，烤熔raclette 包住酸小洋蔥，正！

羊扒鮮嫩, 一般高級餐廳水準, 無驚喜

薯餅牛仔肉, 瑞士名菜之一, 普通 . 瑞士菜較簡單直接，無意法菜咁多花臣。

 反而全晚最好食係個Apple crumble , 層層叠蘋果，餅底夠脆，加埋雪糕，酸酸甜甜, 口感豐富，好味！