close
一向喜歡食粉麵，現今好食的粉麵餐廳已經唔多。其實做一碗好的粉麵唔難，只要湯底清甜無味精，材料新鮮，真材實料就得......講就易，而家租貴，原材料又貴，一碗麵頂多收你$50,租金人工無得減，唯有在材料下手，所以好多店都唔好食。
生記最出色係魚湯同魚腐，魚湯奶白色，夠鮮甜，仲有少少魚茸，真材實料。魚腐比例ok,炸完後落湯都唔會淋pat pat, 米線都有咬口，唔錯，去開呢區都會來食。
羅富記其實一向唔覺特別好，但水準穩定，唔會食到一肚氣，湯底都叫清，唔會太多味精，水餃雲呑牛腩全部唔難食，今時今日算係咁，至於出名的炸鯪魚球就仍然彈牙，但而家已好多地方有，唔使特別過來。
文章標籤
全站熱搜
留言列表
香港食食食 (25)
