Foodie 生活雜誌

從來對於京都的認知都係古都寺廟，最遠都係去到嵐山，以為京都就係咁大。到近年至知原來京都府範圍廣濶，去到海邊的丹後半島，伊根町同舞鶴都係京都的一部份，歸納為「海之京都」。今次將呢部份規劃為三日兩夜的行程 ： 欣賞日本三大景之一的天橋立、丹後半島温泉酒店看日落、舞鶴賞紫陽花。結果天公造美，三個目標順利完成，先來分享天橋立半天遊。

天橋立特別在個景，兩個島中間由一個沙洲連住，兩個島都在纜車上山睇全景。山下有商店街，又可以租單車穿過沙洲去另一個島，坐船或快艇遊船河，再唔係就咁散步玩水都得，景點集中，遊樂設施豐富，一家大細都啱玩。

(呢個小旅程最麻煩係交通，因為除左JR，仲要坐私鐵同巴士，又要夾時間。而且車費唔平。結果決定買張「JR關西廣域五天券」的五日pass，除左可以坐JR，仲包埋京都丹後鐵道同京都往關西空港的特急，幾好用。)

除左火車，亦可選擇坐JR巴士，圖中係巴士時間表，行車時間跟火車差不多，都係兩個多小時，不過火車班次較多。

火車站旁有温泉屋，玩完可以來浸下，消除疲勞。對天橋立呢個旅遊點無咩概念，不過一出火車站已有旅客服務部，資料齊全

纜車加温泉套票

先遊「天橋立Viewland」，從火車站行五分鐘就到纜車站

先買來回票，火車站的旅客服務中心有100 yen coupon ，不用白不用。上山及落山均可選擇坐纜車或單人吊椅，我上山選纜車，下山選吊椅。

纜車，沿路上山，車廂細，大部分企位

亦可坐單人吊椅

往山上觀看有「飛龍觀」之稱的景色。介紹話個景特色係倒轉睇同正面睇係一樣，可惜我搞到腦充血都睇唔出

另有一個高架迴廊，走在上面居高臨下欣賞天橋立美景，似人行的過山車

景色其實唔係特別靚，不過好天氣搭夠。日本景色就係小巧精緻。好少睇到大景。

除左睇景，仲有好多遊戲設施，啱哂小朋友。部份設施要付費

落山我選擇坐吊車，fling 手fling 腳好過癮。咪以為好危險，其實車速慢，下面又有安全網，絶對放心，見有人手抱小孩都係咁坐

一路落山，面向天橋立，美景盡收眼底

落到地面就去揾食，名物係花蛤丼，沿路經過商店街

有租單車店

經過呢條迴旋橋，正奇怪點解叫迴旋橋，點知條橋突然開動，就轉比我睇。以前應該係方便船隻經過，今時今日已變成表演

迴旋橋運轉時間不定，又比我遇到，幾好彩

往沙洲行，星期日，好多家庭選擇來哂太陽戲水，一片悠閒氣氛。

水好清，好多水母

附近有好多活動，可以租單車，坐船或快艇遊覽

智恩寺 入口幾有氣勢，不過唔夠時間，無行。

天橋立之戀人 = 老翻白之戀人?