1/2016光顧
在禧利街一帶逛一圈已有十幾間咖啡店，競爭激烈，無可能遂間試，見到有報導又啱心水的就光顧，所以現今media 真係好有影響力(起碼對我有用😜）。介紹話此店咖啡同食物都唔錯，店子播住有節奏感但又唔吵耳的音樂，好醒神。咖啡同食物都唔錯，咖啡師健談友善，聽到隔離枱兩公婆特別回來再試個burger ，一於下次回來食，再試杯hand drip咖啡至得。
目前分類：咖啡店 (231)
- Mar 29 Tue 2016 23:58
why 50@上環 (closed)
- Mar 22 Tue 2016 11:22
Artisan Room@西環
2/2016 光顧
唔係睇雜誌介紹，莫講話呢間cafe，連香港有條街叫「南里」都唔知，街名幾好聽。南里以前應該係寧靜小巷？不過地鐵通車後就變天了，因為地鐵站出是就係街口，咖啡店在新樓盤地下。樓盤應該係酒店式住宅，所以咖啡店都走boutique hotel feel。最吸引的當然係個露天雅座，因為條街未算多人，都有渡假feel。有sandwich 、pastry，所有食物的的式式，我無食。咖啡普通。
- Mar 08 Tue 2016 00:41
想點啡@大埔
11/2015 光顧 想點啡@大埔
去大埔海濱公園遊覽，去完順道在區內食個tea。大埔之友介紹呢間，有心思的裝修，不過唔係特別靚，大約二十個坐位由三位姐姐仔一腳踢，出餐好慢，等左大半個鐘至有得食，好在出品算ok，唔係就真係雙失。
- Jan 25 Mon 2016 00:38
caffe habitu@九龍圓方
- Dec 17 Thu 2015 23:30
Luis express@觀塘
公司附近的外賣小店，選擇多，製作認真(睇下個餐蛋治就知)，出餐快。全店只有兩姐妹，一個負責食物，一個負責落單及飲品，合作純熟，簡單的一間小店。呢d就叫小生意，難度唔太高，自家人一手一腳搞惦，揾兩餐就係咁。以前香港都係咁，先整駕木頭車做小販，好生意賺到咁上下就入鋪，慢慢一點一滴的累積，可以靠自己雙手去賺取所得。但現今香港環境不同了，貧富懸殊愈來愈嚴重，社會財富不勻，如何救人自救？講多無謂，行動最實際，我可以做的就係盡量幫襯小店，令佢地有生存空間。加油，luis ! 觀塘仲有好多呢類小食店，希望呢個空間不會被蠶食。
- Dec 07 Mon 2015 08:40
18 gram@旺角
8/2015光顧
- Dec 03 Thu 2015 08:05
Corner Kitchen Cafe@上環
- Oct 30 Fri 2015 07:57
little break @長沙灣
7/2015 光顧
每次行過都被佢清新的「外表」吸引，終於的起心肝入去試下，室內都係簡單舒服feel裝修，見小節位做得有心思，例如會有小青蛙叉，一點小擺設，簡清有型的logo。食物味道唔錯，不過價錢比想像中高少少，但可以接受，不俗的小店。
- Oct 23 Fri 2015 07:53
chicken n eggs@九龍城
- Oct 20 Tue 2015 07:10
PREGIO by barista caffe@鰂魚涌(CLOSED)
- Aug 24 Mon 2015 12:44
ethos@堅尼地城
2/2015 光顧
如果唔係有地鐵，我未必會去呢個山卡啦地方。店子開在山上橋底小路，環境清幽，全店簡約白色加水泥裝修，對街大窗一列吧枱，感覺悠閒。食物咖啡都唔錯，價錢小貴，近住香港大學，平日下午都幾多人，都話現今學生富貴。
- Aug 05 Wed 2015 08:22
約3.16@觀塘(CLOSED)
4/2015 光顧
在觀塘區午餐看似有好多餐廳選擇，但其實在味道上係無選擇。不過光顧餐廳，有時除左食物同價錢以外，仲有可以有其他因素，社企餐廳就係我光顧原因之一。此店食物簡單，餐廳推介係手做漢堡，(我無食) 食物味道普通，同附近大部份食店一樣，但幫襯的意義就不止於食。對於弱勢社群，錢固然重要，但若果可以進一步給予機會，等佢地能夠自力更生就更加重要。有得食又可以鼓勵下店員，好有意思，大家都幫襯下吖。
- Aug 02 Sun 2015 08:44
Via Tokyo@銅鑼灣
6/2015 光顧
一間火紅的日式甜品店。出名綠茶雪糕，同chacha不相伯仲，但又稍勝一籌。雪糕較軟滑，綠茶味比chacha 稍輕，味道剛剛好。難怪長期有人龍，我平日下午去都排左10分鐘。堂食其間都好多人買外賣，四十幾蚊一杯，一家大細連菲姐姐一人一杯，銅鑼灣消費力真強，難怪租金貴一貴都有鋪開。此店除左綠茶雪糕外，仲有其他甜品，但要我再排隊就咪搞。
- Jun 18 Thu 2015 03:53
香港美食 ： The cupping room@灣仔
- Jun 12 Fri 2015 07:07
香港美食 ： Deli and wine@尖沙咀(CLOSED)
去到天星碼頭，要食早餐，唔想去麥噹噹，想起呢度。見到個門面，諗住又係幾十蚊個包加杯咖啡成舊水食個早餐feel，我叠埋心水買個牛角包就走。點知居然有$31的餐蛋通早餐，仲要係配即磨咖啡，選一丁麵唔使加$3 ! 望下我右手面，居然係一個歐洲式温室feel咖啡雅座 ! 買完飛，個餐有專人送埋嚟，簡直係超値！原諒我膚淺，在咁嘅環境下，我真係覺得碗餐蛋通好食d。 當然，又係美心的傑作。
- Jun 11 Thu 2015 08:05
香港美食 ： 休閒咖啡店@油麻地
至愛的ABC茶餐廳居然逢星期六日休息！呢間行過好多次，總覺得迫迫夾，唔吸引，但附近方圓數里都無咩好食，唯有試下。早餐選擇多，食物普通，但有種住家出品感覺，火腿炒蛋配花生醬，好住家feel，即磨咖啡，奶分開上，$25個餐都咁細心。街坊生意，小店員工全部為年輕人，親切友善，值得支持。(人手不足，逢星期日休息。)
- Jun 10 Wed 2015 07:30
香港美食 ： Toolss@石硤尾
可能因為店主之前亦係做雜誌，所以好多媒體都有介紹。位置在石硤尾賽馬會創意藝術中心對面，比較隔涉，文青聚腳點。適合影相多過飲咖啡的街角的咖啡館，有曲奇，炸墨魚丸等小食，鋪仔細細，一眼見哂，唔好指望有多選擇。咖啡一般。有個角落賣文具(雜誌介紹話文具幾特別，但我唔識)。
- Apr 05 Sun 2015 00:13
香港美食 ： classified@灣仔
開左好多分店，但每次經過睇完餐牌都覺得overprice, 一直無試。最近分別有兩位朋友讚呢度的egg benedict 好味，當然要試下。Egg benedict 唔係度度做得好，尤其係個荷蘭汁，又唔係個個用muffin。不過呢度真係唔錯，以後又多一間選擇。望見隔離左右的食物賣相都好吸引，呢間餐廳對食材的選擇都應該好唔錯。
- Feb 26 Thu 2015 01:10
香港美食 ： Waffling bean@西環
- Feb 13 Fri 2015 01:39
香港美食 ： The petit cafe@金鐘
美心旗下品牌。在pacific place 4 樓平台，有露天坐位，圍住的係酒店，可能我早來，人同車都唔多，地方闊落，幾舒服，上面就係香港公園。鬼佬麵包店，賣salad, sandwich 同各類baked goods, 放在食物櫃賣相靚靚，好吸引。
香港食食食 (25)
