Foodie 生活雜誌

7/2016 光顧

睇過好多介紹讚到天上有地下無，覺得係鱔稿，無理。點知有日朋友講開話真係正嘢，有人有真相，咁就放心去試。

7/2016光顧

家下d cafe 真係愈來愈貴，份量同質量又不成正比，好似呢餐，班尼迪加咖啡連加一盛惠187 元正，班尼迪下面果塊係toast., 隻蛋仲大過塊包，個汁又唔得，乳化唔到成灘水咁，都唔鬼識整，咖啡普通，我覺得賣點係隻Fire King 杯多d，餐廳裝飾cozy精緻，天井後園襯埋棵古樹，幾有味道，若果對食物要求唔高就來當食環境，但價錢實在唔值。有時諗，想蒲咖啡店，儲儲埋埋d錢過台灣好過，平靚正。

(一行到上去條街就見到呢個大貨櫃放在街上，但無研究，醫肚先。 )

7/2016光顧

中環好多會所餐廳，採取會員制，通常拉衫尾至有得食。菜單由話事人發辦，菜色平實。全晚最欣賞係個爵士湯，夠溶又入味，條魚都蒸得唔錯，其他食物味道ok ，家常口味 （即係唔係好食又唔係唔好食，食完唔覺口渴) 今時今日反而珍貴。

7/2016 光顧

7/2016 光顧

法式小館，菜式有心思，用心煮，但味道有點重手，餐廳解釋係用來伴酒食，所以重手d。Pasta 唔錯，其他就麻麻。擺碟係一大敗筆，亂糟糟，Ｄ碟邊總係搞到污糟辣蹋咁，裝飾碎濕濕，alfalfa 大泛濫(大部份西餐的通病) 我一見就皺眉頭。若住附近想食個似樣的西餐，又唔想去咁遠，都係一個選擇，不過就未必要特別去。因為價錢唔平，連加一平均main course 收三舊，Pasta 收兩舊，entree 、湯收一舊，呢個係銅鑼灣尖沙咀區價錢。諗住同住附近的朋友隨隨便便食一餐，結果食左五舊水一個頭，對我個銀包來講真係有點意外。

6/2016 光顧

餐廳係同區壽司店悅鮨的姊妹店，午市套餐選擇多，中等價錢，魚生鮮甜度不足 ，但以價錢計質素不俗份量足，若要求唔太高，都不失為一個選擇。經理好健談，好識做生意，見牆上貼滿不同日文菜名，選擇多，晚市應該都可以？有機會試下先。

7/2016光顧

一餐食左廿款菜 ，朋友問我係咪叫左成村人去，食完上前線打仗。其實每個菜碟頭都唔細，份量適中，不過一行11人，每人一啖都無左，所以結果係點完又點。難得每碟味道都唔錯，無心機遂碟講，總之係鹵水清香入味，小菜夠鑊氣，甜品都好味，我最欣賞有檸檬味的清心丸綠豆爽，甜中帶點點酸，又有檸檬清香，好好味。

7/2016 光顧

之前食過上環店，食物質素ok，而且價錢適中，見尖沙咀有分店，又試下。裝飾新潮，西餐feel，座位分二人座、圓枱、四方枱、小房間各式其式。牛肉全部都話係和牛，勁d嘅就係A5。我點左個特選拼盤，肉質柔軟juicy，油份重，食幾舊都滯哂，唔認熟齡都唔得。加個shabushabu 燒牛，(薄牛點蛋黃蘿蔔蓉汁)  ，全晚肉類係咁多。加埋沙律、牛肉飯、煎餅同冷麵，都夠飽。其中我最欣賞係個牛油生菜沙律，加埋青瓜紫菜，配個麻油味汁，好好味！

7/2016光顧

又係午市幫襯，不過今次食Omakasae ，繼續新鮮好食，五款刺身一款熟食加八款壽司，烏冬唔包，係我唔夠飽師傅加比我，之後我又嫌杯咖啡太細，又要多杯，滿足哂我貪小便宜性格。