Foodie 生活雜誌

(天光行到天黑，大部份時間喺入面，差d要講句Prada是我家)

行程 : The Mall outlet 全日shopping

(addree : Via Europa, 8, 50066 Leccio Reggello FI)

食 :

早餐 : 自煮

午餐 : outlet 內雪糕一杯

晚餐 : 自煮

寫左咁多日遊記，呢篇一定係最易寫，因為全日只得一個景點 : outlet，全日只做一件事 : shopping。outlet 賣的都係貴價牌子，對於我就太貴，但作為一隻羊，始終脫不了羊群心理，跟大隊買左幾個袋，outlet係一個好扭曲心態的地方，明明比人賺左錢，但居然會覺得自己著數左。是日在場內只食左一杯雪糕，大家戰鬥力超高。提提大家 : 可以即塲退稅，取回現金，派錢時間至18:45，無人會截隊，總之時間一到就停，無論你排左幾耐隊都無用。

後來至知，原來呢個早餐可以咁飽肚

去outlet 途中遠望古城，明日見

見到人地一袋二袋咁捧出來，感覺鬼異，但原來真係可以買咁多，真係不可思議的真人真事

全日只需一杯雪糕，莫非呢度的雪糕係用機械維單A做？

一個非常盡責的售貨員，sorry，係駕駛員至真。喺呢度真係要特別嗚謝駕駛員，話說佢一入店內無耐立即話去排住隊比錢先，我仲話佢誇張，結果我地左揀右揀兩個幾鐘後，仍然未排到佢比錢，若果無佢，等我地幾個恢復神智後再排隊就死得，今次佢真醒目，抵讚！

正常人行左成日只食杯雪糕，一定會餓到周身無力，但奇蹟就係咁發生，夾著購物後的亢奮，靚太居然仲可以煮埋晚餐！又一件不可思議的真人真事。