Foodie 生活雜誌

12/2020光顧

台灣過江龍，新開店好高人氣，過左lunch time 仍要排隊，果然係新屎坑。我食左牛肉麵同紅油抄手，整體唔算突出，但合格有餘，以香港的水準來講算係咁，侍應服務態度好，光顧左兩次，第二次質素比第一次好，睇怕呢間店短期內都會係長龍店。

紅燒腱心半筋半肉麵 標榜牛腱心肉質更好，牛𦟌確係柔軟，但肉質同好多水準不俗的牛肉店一樣，未至於好突出。湯底話加入23種中藥熬製，微微帶辣，無想像中香濃，但能做到介紹的油而不膩，都算唔錯。牛𦟌牛筋未夠入味，手工麵唔Q彈，酸菜唔夠酸，整體唔算好好食，若無咁多人排隊的話，我會試多次，食下其他湯底。

紅油抄手 豬肉鞋，紅油汁少辣不香，可以不理。

蕃茄湯半筋半肉麵 之後一次經過見剛開店仲有位，又入去試個蕃茄湯底。今次的湯底濃得多，有蕃茄味，食完唔口渴，牛筋軟腍，牛𦟌牛筋都入味，不過件牛𦟌好明顯忘記左切開，一大舊，感覺好raw。今次選幼麵，麵條有點糊，差左d。餐廳兩款麵條都試過，同樣麻麻。

成日覺得個天對我算係咁，首次來到時排左一輪隊，但就比個靚位我，一條友坐個大卡位，喺呢個期間，感覺良好