Foodie 生活雜誌

8/2016光顧

8/2016光顧

8/2016光顧

8/2016 光顧 

去酒店中菜廳晚飯未必一定要食鮑參翅肚，有時只係想坐得舒服d，尤其係請朋友食飯。今次食小菜，菜式都係一般小菜館可以食到的，不過就精緻d，食材新鮮d，例如菜就只食菜薳。味道唔錯，地方雅緻，價錢合理，唔錯。

滷水牛展

8/2016光顧 
日本過江龍，多款餃子選擇，價錢偏貴份量少，味道唔突出，買包餃子王將回家自己煎好過。

8/2016 光顧 

一間在待食名單上有一段日子的餐廳。喜歡食西班牙的tapas，款式多，細細件又好味。餐廳佔地千幾尺，地方闊落，唔會坐到迫迫夾，tapas款式選擇算多，今晚兩個人食左5個tapas一個main，食物味道好，有心思。係張單貴左少少，不過在香港食西班牙菜一向唔平，但有水準的又好似唔多，無可能次次去cataluna，我覺得呢間係中價之選。食第二次經朋友講至知無加一，我食兩次都唔知，無比貼士，真唔好意思。 （相片係兩餐夾埋）

8/2016 光顧 

希望愈大失望愈大的一間餐廳。book位時要信用卡確認，又send 個長長email 講cancelation policy，搞到好大笨象咁，去到原來只得幾枱客。餐廳地方舒適，氣氛casual，每人點左個3 course 餐，侍應將每道菜形容到係人間美食，可惜廚師配合唔到，無論擺碟同食味都普通，感覺over price。

7/2016 光顧 

一間裝修得好女仔的越南餐廳，佈置清麗可愛，位置在龍崗道尾，旁邊係車房，夜晚黑麻麻，唔知道的都未必會行入條街，我行過幾次，見店內靜英英，小貓幾隻，諗住又係得個樣，今次因為實在諗唔到食咩，唯有搏一搏。小店由兩位小姐經營，好用心機佈置店面，一杯一叉都花過心思。好彩食物味道都唔錯，只係稍嫌食物份量小左dd。我今晚食的蟹膏蟹肉米線，鮮茄湯底香濃，米線滑，唔錯。朋友點的慢煮牛肋條飯，牛肋條入味，當然唔係好食到識飛，但已比好多餐廳好，起碼比錢比得順氣。下次要試下法包。一間放滿心機的小店，但晚上人流唔多，所以略盡綿力推一推，希望小店keep到。

7/2016 光顧

睇過好多介紹讚到天上有地下無，覺得係鱔稿，無理。點知有日朋友講開話真係正嘢，有人有真相，咁就放心去試。

7/2016光顧

家下d cafe 真係愈來愈貴，份量同質量又不成正比，好似呢餐，班尼迪加咖啡連加一盛惠187 元正，班尼迪下面果塊係toast., 隻蛋仲大過塊包，個汁又唔得，乳化唔到成灘水咁，都唔鬼識整，咖啡普通，我覺得賣點係隻Fire King 杯多d，餐廳裝飾cozy精緻，天井後園襯埋棵古樹，幾有味道，若果對食物要求唔高就來當食環境，但價錢實在唔值。有時諗，想蒲咖啡店，儲儲埋埋d錢過台灣好過，平靚正。