2024 九州温泉遊餐廳篇食彩花あかり@黑川溫泉－Foodie 生活雜誌

餐廳喺黑川温泉民居內，離温泉鄉有點遠，我因為喺兩間温泉旅館入住時間的中間要揾食，喺google map揾到呢間餐廳。去到至知餐廳原來係由一對七十幾歲的夫婦經營，丈夫掌廚，太太做外場。Chef喺世界各地不同地方做過廚，唔識英文但好生鬼，我係用IG訂位，以為係佢的子女幫佢管理IG賬戶，原來係佢自己搞，真心佩服。西餐廳，環境舒適味道好，pasta好好味👍🏻飯後大廚好好人，話要車我地去旅館，見佢好在型咁同老婆單聲，再fling住條車匙叫我地跟住上車，一副溝死女咁款，好搞笑。我地當然唔想麻煩老人家，再三推搪至推得甩，真係太感謝，呢餐食得好開心。