Foodie 生活雜誌

旅館坐落湖邊，並非喺城崎温泉街一帶，有shuttle於城崎溫泉JR站接送。旅館有三十間房，房間舒適，環境幽靜，晚餐ok，早餐不俗。若唔想住温泉街咁熱鬧，可以考慮過來住下，不過旅館的温泉環境一般，若你係温泉精，建議喺温泉街浸左幾個傳統温泉再過來。

日本的温泉好多都係連鎖集團經營，好似呢間旅館係KYIORITSU集團旗下品牌「共立リゾート」LA VISTA其中一間旅館，呢條line 同Dormy inn 同一個集團，未去到星野咁高級，但都住得過，我對呢個品牌都幾有好感。

旅館喺湖邊，由幾座平房夾埋一齊。

湖景房間，面積唔大，幾舒服

可惜房間唔提供温泉水，否則會加好多分。

La Vista 旗下酒店其中一個特色係房內有手磨咖啡工具，以前住函館都係，一邊沖咖啡一邊望住窗外景色，感覺好relax

旅館公共地方，有商店、日式浴衣，大浴場，要有的都有。

以前我覺得呢個設備無人會用，唔明點解要方喺度，而家明白了。😮‍💨

温泉小巧精緻，至於貸切風呂就不消提了，環境焗促，我無興趣

温泉喺湖邊，女湯有木柵遮，男湯就無了。

最好係有免費益力多飲

城崎冬天食蟹，夏天未開季，小蟹喺酒店內四圍走。

房間享用晚餐，太后好喜歡

晚餐攞盤幾靚，但食物味道及食材一般

飯後果放房間

晚上浸溫泉後回房，見隔離房門口地下放左兩個碗，應該係宵夜，因為集團酒店有提供拉麵宵夜，但我太飽，無問。結果回來後foodie 友話我知係烏冬宵夜

早餐坐大廳，望住個湖，幾舒服。

即燒魚及堂弄味噌湯😆😆

旅館有車接送，有櫈仔幫助上落車，好細心