今日喺城崎溫泉返回大阪,住番之前間酒店,喺附近行下食下嘢,晚上食埋太后最喜愛的鰻魚飯,總算使命達到。第二朝早餐後就出發去機場,搞完check in再食個lunch就上機,九日八夜旅程就喺吵吵鬧鬧中渡過。
返回大阪,作為蔦粉的我,梗係要朝聖,呢間喺大阪站樓上,內𥚃有埋按摩店。
本來lunch有考慮過食拉麵,見呢間set哂排隊位,應該好勁,而我去的時候無乜人,都有衝動想食,但排唔夠兩分鐘,就唔想排落去,身體自然排斥,証明我真係唔鍾意食拉麵。
返回酒店放低行李後去食lunch,酒店附近好多好餐廳,建議住附近的人可以探索下,好過去心齋橋迫
呢間小餐廳幾有格調,似外國bistro,一個餐唔使一百,沙律意粉甜品咖啡有齊,仲要大大碟,雖然意粉水汪汪,但味道其實唔錯
餐廳對面有間豬扒飯,見佢好巴閉,營業時間短,又成日唔開,好似好勁咁,大家住附近不妨試下。
晚上終於去到食太后指定要食的鰻魚飯
第二日早餐,去Tully ‘s coffee食新出的牛油果熱狗,好味。呢兩次去日本都覺得連鎖店的早餐原來水準唔錯,日後去日本都去連鎖店食早餐好了。
午餐機場求其烏冬
飛機上看,日落好靚,太后都忍唔住影番張相
全站熱搜