食完早餐就出發去靈場恐山，以為靈場即是墳場，原本仲勁d，係靈界與人間的交界，原本唔打算去，感覺唔吉利，但因為順路，加上情報話紅葉見頃，所以走一轉。出發時天陰有小雨，已打定輸數唔會睇到靚景，點知一轉彎，美景就在眼前，遍山紅葉，雨都停埋，真係天公造美。靈場恐山座落在火山帶，面向大湖，滿山紅葉，景色優美，但四週充滿硫磺味，過我就無入靈場，始終感覺唔良好。
之後再驅車去奧藥研温泉，葉子都變紅了，可惜尚欠點陽光，不過唔落雨已感恩。奧藥研温泉鄉有兩個温泉，一個係溪流旁的河童温泉，好有意境，而且不需收費，之前温泉係混浴，但近年已取消，分男女時段。可惜我到達的時候係男性入浴時間，唯有懷著失望的心情到前面的河童夫婦温泉。
河童夫婦温泉從前係旅館附設的温泉，後來旅館倒閉，改為要付費温泉，地方亦較公整，温泉都係喺溪流旁，但位置較高，溪流亦較大，欠了一點原始的感覺。温泉水極熱，要一點時間至適應。
其實温泉鄉仲有一條長4.4公里的步道，好適合散步，可惜時間不夠。當日漫山紅葉，沿住溪流行，風景絕對唔會比奧入瀨差，反而更清幽。我自己反而喜歡藥研温泉。
資訊 :
恐山靈塲
地址：青森県むつ市田名部宇曽利山3-2
電話：0175-22-3825
奥薬研温泉かっぱの湯
奥薬研修景公園 レストハウス
地址 ： 青森県むつ市大畑町赤滝山1-3
電話：0175-34-2008
進入靈場恐山
一個轉彎就見到美景，大家都好興奮
硫磺水經過的地方寸草不生，最大好處係唔會有蛇
靈場恐山外貌
面向大湖
河流從山中流向大湖
繼續上路去奧藥研温泉，途中已見到樹葉開始變色
好心的單車手保護青蛙皇子過馬路
到達奧藥研温泉鄉，紅葉來迎接
先到停車場旁邊的河童温泉，可惜未係入浴時間
温泉在河谷內，想像就似在溪內泡湯，好有意境......只能想像
睇番資料，之前係無呢個頂。
把握時間轉場，行前少少去夫婦温泉。温泉在修景公園的建築物內，內裡除左可以通往温泉，仲有餐廳同小賣部
公園外有足湯
我係温泉控，錯失左一個，唔可以再失第二個。團友們無興趣，安排左佢地在足湯等
溫泉分開男女湯，唔使等
又包塲。泉水好熱，但好快適應，首次在紅葉環抱的環境下泡湯，眼睛與身體都有好享受，又多一個體驗。
河童夫婦像
温泉鄉沿路景色，我行路邊，若行步道就可以更深入
留言列表
香港食食食 (25)
