Foodie 生活雜誌

一早諗住同太后去妙見之森坐小火車同吊車睇綉球花，等佢唔使日日行商場，點知去到至知當日的車休息😫無所事事之下經火車站旁餐廳的小姐推介去左附近神社，結果係完全無嘢睇。中途太后仲喺水渠內見到一條小蛇，差點嚇死。帶住失望之心情返回市區，諗住食饅魚飯，揾到間幾出名的，可惜我太天真太傻，試問一間出名的餐廳點會有位？結果當然係滿席。太后已經好肚餓，只好求其喺隔離食碗拉麵就算。

整個上午坐左幾個鐘車只得個雙重打擊差點想喊。轉戰梅田shopping，行左一陣，見太后戰鬥力又下降，揾間餐廳食個tea，當中我出去行個圈，之後就番酒店。原本諗住去附近經過訂埋幾日後的鰻魚飯餐，點知G神地圖發神經，箭嘴係都唔郁，見到太后勁攰，我更心急，最後返回酒店，太后幾乎立即入睡。今日真係唔好日。喺太后瞓晏覺期間，我立即走去訂隔幾日的鰻魚飯餐，因為酒店居然唔肯幫我訂😱回來後再湊太后去食晚飯。太后有選擇困難症，你叫佢揀佢唔揀，但又只會reject你的選擇，我火鬼滾，唔理佢，一嘢捉左佢入深宵食堂一樣的餐廳，結果咪又係食得開心。

經過今日之後，我決定調整行程，每日五點左右回酒店，之後佢休息我出去附近揾食，等佢瞓醒再帶佢去餐廳，可以行少d路之餘亦唔比佢再揀餐廳，反正間間就算係佢自己揀的食完都彈，我揀的起碼會合我心意先。

早餐食pancake 餐

其實太后都醒，一落車就見到呢張告示，問我公園係咪無開，想唔出閘原車返，不過我睇唔到，已出閘，而且咁遠來到，點都行個圈至走

原本想像圖

喺靜靜的田野小屋間散步，剛剛見完小蛇，再突然見到咁大隻馬，嚇死人，原來呢隻叫神馬，用來恭

奉？

小姐介紹的神社，無言…,.,

太后話呢度都都黃鴨，唔使喺香港睇

回到市區，想食鰻魚飯，又吃閉門羹

結果要食拉麵，其實我同太后都唔鍾意食拉麵

去大阪站攞JR pass,而家電子化，真方便

深宵食堂晚餐