Foodie 生活雜誌

一起身又係天陰陰，不過好彩好天氣都放在旅程前半部，等我地可以好好欣賞大自然，回到城市就算落雨都無太大影響。返回城市，當然要去cafe 食早餐，近呢幾次旅行都係跟住G神揾食，開住架車，邊行邊search，見到高分又合眼緣的就食，暫時都無甩拖。今次呢間cafe去到至知係時興的life style store，集cafe，家品店同hair salon 於一身，仲有單車團。cafe食材係organic 同raw food，平時喺香港少食，因為唔好食，去到澳洲又覺得好味，因為食材實在新鮮。食完後去Fremantle market逛，一個有買有食的室內市集。今日落雨又大風，喺市集附近行就算，感受唔到Fremantle的美。原本打算喺Fremantle Fishing Boat Harbour食晚餐，但又唔多吸引，結果去左商場內的中菜館解決晚餐。 當晚風大雨大，先生喺落車時跌左電話，直到返回住宿至知，揸車再回去商場，居然比佢喺剛才的泊車位旁執番個電話，真係好彩到爆！

cafe外型幾fancy

整間店係life style store，cafe只佔店面一角

今日無乜位，因爲呢張長枱已預留比護老中心的公公婆婆來聚餐，真潮

簡單但好味的食物

色彩繽紛的傢品牆，望見都開心

外國就係勝在地方大，行得舒服

可愛小家品

有興趣可以參加單車團作市內遊

Fremantle market 

內裡都係一般市集，雖然食物同貨品都無特色，不過湊下熱鬧都好

我行左一圈，興趣不大，飲杯土耳其茶打發時間

乾貨市場

原本想喺外面餐廳食午餐，可惜風大雨大，唯有返回market 食拉麵

之後行下街，整個城市仍保留住殖民時代的建築，似電影場景

若果有心機慢慢行，會發現好多有心思小店，例如呢間書店

原本打算去Fremantle Fishing Boat Harbour食晚餐，可惜大風大雨，碼頭冷清清，毫無氣氛，亦都無心機食了。

晚餐喺中菜館，侍應都講廣東話，裝修同食物都好熟悉，唔知以為番左香港。小菜味道唔錯，估唔到咁大碟，食唔哂要打包。