Foodie 生活雜誌

我鍾意食有創意的菜式，行過見到呢間幾骨子的拉麵小店，睇完餐牌覺得一般，但之後見評論不俗，又試下。西日式的拉麵，令我想起以前的mist 拉麵，當然兩者水準差好遠。主廚可能未瞓醒，全程唔識笑亦唔打招呼，真無癮。

拉麵套餐，有拉麵、小食、飲品。

湯底加左酒粕，所以叫雪酒，蜆跟湯一齊煮，湯底帶鮮味，除左蜆，配菜用紫洋蔥及意大利青瓜，幾特別。我選粗麵，麵條有咬口，碗麵味道可以，湯底有鮮味唔口渴。

雪酒拉麵(大蜆）好多蜆，但蜆肉唔夠肥美

小食汁煮牛舌

番茄梳打

雖然我坐正出菜位，不過當日時間尚早，只得我同另一位客人，大家隔左兩個位，明明一張長枱好多空位，小師傅硬係正正要喺我面前整隔離食客碗麵，我就無所謂，不過若我打個乞嗤或索一索鼻，我估個食客都覺得感覺唔良好？

橫掂都係，影埋人地嗰碗比大家參考😝

浸左魚乾的醋，我食唔出分別

餐廳細細間，晚上會變身日本料理

有懷石料理供應，先唔講水準，但若主廚都係年初四咁樣就唔知點算。

呢間餐廳令我記起n年前的mist拉麵，食左我人生中最貴的拉麵，直到如今都未破自身記錄

二十道的解說