Foodie 生活雜誌

(一打開𨋢門會見到招牌)

9/2017光顧

被餐廳的旋風滑蛋炭雞丼吸引而來。餐廳開喺工廠大厦內，幢大厦已經唔易揾，上到去餐廳門口都好隱蔽，有「阿蟲介紹嚟」feel。餐廳原本只有一個單位，開放式廚房再加一張大枱，似在家食飯的感覺。之後於隔離單位擴充，一樣有個開放式廚房，地方大d，座位多d。午市來食，座位迫夾，幾十人侷喺個小單位，好嘈 ; 冷氣又唔夠，好熱。食物賣相吸引，但食落樣樣差dd，未到位，而且價錢唔平，試一次就夠。

(晚上有私房菜，加埋一約$600一位，應該冇咁迫，但入門版的午餐都無吸引力，試問又點會比咁高價錢食晚餐？)

跟餐送的麵豉湯幾好味

旋風滑蛋炭雞丼 蛋頗滑，飯加左壽司醋，但係飯粒濕左d，有點糊。炭燒雞唔係炭燒就預左，但無預到燒都唔燒，似煙燻雞。味道可以但口感不濟，全個飯真係sell個樣

旋風滑蛋鰻魚丼 食友話唔錯

醬燒明太子豬軟骨丼 一睇已知豬軟骨太乾，明太子只係明太子沙律醬，呢個唔使問食友好唔好食，費事佢問我攞景定贈慶。

牛油果温泉蛋炭雞丼 食友話牛油果唔熟，雞無炭燒味，幾粒魚子算新鮮

午餐價錢唔平

行左手面去走廊盡頭右手邊的單位就係餐廳

地方又迫又嘈又熱