Foodie 生活雜誌

6/2022光顧

來食回憶的味道，小店已開業一萬年，至今已係第三代。想當年熱狗對我來講就係廚師腸夾熱狗包加茄汁，同腸仔包差不多。直到遇見呢間由德國人開的店至知原來香腸係有咁多款，個包要烤熱，除左茄汁，仲有芥辣、酸瓜醬等選擇，眼界即時濶了。當年最喜歡食芝士腸熱狗，超好味👍🏻

無想過小店可以維持咁多年，開業時的德國人已離開，轉左手比一位香港女士，如今再轉手比兩位年輕人，已扎根成香港店。香港人的特色當然係多選擇，後生仔多諗頭，整左好多不同配搭，我都湊熱鬧點左幾款，但自己就唔多喜歡呢類大堆頭，所以今次食完，叫做探下老朋友，完成一個多年後的再見，

朋友住附近，可以叫外賣，套餐包飲品及薯條，全部即點即製，番到屋企仲熱。

墨西哥風情

腸、肉醬、芝士、茄汁、酸瓜醬，餡料非常豐富，味道唔錯，但好濕，食得呢hea，一大堆，唔知食左乜咁。都係從前簡單的芝士腸加酸瓜醬啱我🥹

馳名港狗

烟肉火腿腸、烟肉、芝士、炒蛋、沙律醬，又係一大堆

日耳曼經典

法蘭克福腸、德國酸菜、甜酸瓜粒、茄汁、芥辣。呢個最正常。

送罐裝飲品，見到anson lo喺門口攞住罐汽水，唔使諗，直接點，幾好飲，代言真係有用。

special menu

其實有簡單版熱狗，係我自己貪心

小店位置及setting 多年來無乜點變。